जागतिक व्याघ्र दिवस साजरा

कोरोना संसर्गामुळे नियमांचे पालन करून हा कार्यक्रम घेण्यात आला. यात नागपूर चित्रकला महाविद्यालयातील विद्यार्थ्यांनी वन भवन येथील बाहेरच्या भिंतीवर सुंदर व आकर्षक वन्यजीवांचे चित्र रेखाटले तसेच विद्यार्थ्यांसाठी चित्रकला स्पर्धा आयोजित करण्यात आली होती. यातही विद्यार्थ्यांनी सुंदर वन्यजीवांचे चित्र रेखाटले. सहभागी सर्व विद्यार्थ्यांना प्रशस्तीपत्र व गौरवचिन्ह मान्यवरांच्या हस्ते देण्यात आले. कार्यक्रमाला उपस्थित कार्यक्रमाचे अध्यक्ष उपवन संरक्षक गोंदिया कुलराज, विभागीय वन अधिकारी सामाजिक वनीकरण विभाग अनंत तारसेकर, विभागीय व्यवस्थापक दिव्या भारती, प्रदीप पाटील, राजेंद्र सदगीर, मुकुंद धुर्वे, सावन बहेकार, हिरवळ संस्थेचे अध्यक्ष रुपेश निंबार्ते, छत्रपाल चौधरी, छत्रपाल सहारे, गौरव बेलगे, नरेंद्र काळे, सुमन संस्थेच्या वर्षा भांडारकर, कोमल बचत गटाच्या अश्विनी फाये, ज्योती कोठेवार, कला शिक्षक अविनाश गोंदोळे उपस्थित होते. यावेळी मान्यवरांनी वाघांची संख्या झपाट्याने कमी होण्याची कारणे व महत्त्व पटवून दिले. कार्यक्रमाचे संचालन वर्षा भांडारकर व आभार रुपेश निंबार्ते यांनी केले.