एक ठार : कारचालक झाला पसारदेवरी : देवरीवरून जाणाऱ्या राष्ट्रीय महामार्ग क्रमांक ६ वरील चिचेवाडा फाट्याजवळ मंगळवारी (दि.१२) दुपारी १.३० वाजताच्या सुमारास मारोती कार आणि कावासाकी बॉक्सर मोटारसायकलची समोरा-समोर धडक होऊन यात मोटारसायलक चालक जागीच ठार झाला. तर मागे बसलेला एका जण जखमी झाला. या अपघातानंतर कार चालक गाडी सोडून घटनास्थळावरून फरार झाला आहे. मोटारसायकलचालक मृतकाचे नाव हरी मारगाये (४०) रा. बोरुंदा ता. गोरेगाव असे आहे. मागे बसलेल्या जखमीचे नाव सुरज हिरासींग मडावी (४०) रा.आसलपाणी ता. गोरेगाव असे आहे. दोन्ही जण आपल्या कावासाकी बॉक्सर मोटारसायकल एम.एच.३६/ए-४२८८ ने गोरेगाववरून कोहमारामार्गे देवरी नजीकच्या चिचेवाडा गावाला मंगळवार (दि.१२) ला दुपारी १.३० वाजेच्या सुमारास जात असता राजनांदगाव (छ.ग.) वरून देवरीमार्गे नागपूरकडे जाणाऱ्या अरटीआ मारोती कार सी.जी.०७/एपी९९२७ सोबत चिचेवाडा फाट्याजवळ टी-पार्इंटवर समोरा-समोर जोरदार धडक झाली.या घटनेत मोटारसायकल चालक हरी मारगाये हा घटनास्थळीच मरण पावला तर मागे बसलेला सुरज मडावी हा जखमी झाला. याला लगेच उपचाराकरिता देवरीच्या ग्रामीण रुग्णालय दाखल करण्यात आले. या घटनेनंतर मारोती कार चालक मालक विनोदकुमार अग्रवाल हा घटनास्थळापासून फरार झाला आहे. या घटनेची नोंद देवरी पोलिसांनी घेतली असून पुढील तपास सुरू आहे. (तालुका प्रतिनिधी)
चिचेवाडा फाट्याजवळ कारची दुचाकीला धडक
By admin | Updated: January 13, 2016 02:26 IST