सालेकसा : सर्वत्र रक्ताचा मोठा तुटवडा वाढत चालला असून गरजू लोकांना वेळेवर रक्त मिळावे म्हणून काँग्रेस तर्फे रक्तदान मोहीम राबविण्यात आली. सालेकसा तालुका काँग्रेस कमेटी तर्फे आयोजित रक्तदान कार्यक्रमात एकूण २३ रक्तदात्यांनी आपले रक्तदान केले.
आ. सहषराम कोरोटे यांच्या मार्गदर्शनात घेण्यात आलेल्या या रक्तदान शिबिरात प्रामुख्याने तालुका काँग्रेस अध्यक्ष वासुदेव चुटे, सचिव ओमप्रकाश ठाकरे, ओमप्रकाश लिल्हारे, देवराज मरस्कोल्हे, जितेंद्र बल्हारे, गीता लिल्हारे, गुणाराम मेहर, राजू काळे व इतर मान्यवर उपस्थित होते. कोरोना नियमांना काटेकोर पालन करीत रक्तपेढीच्या कर्मचाऱ्यांनी रक्त संकलन केले. रक्तदान करणाऱ्यामध्ये राजेश अडमे, मिलिंद गजभिये, नितेश शिवणकर, मनोज गजभिये, संदीप लिल्हारे, कैलाश भुरकुडे, किशोर दसरिया, सचिन चौधरी, मुकेश ढेकवार, खुशाल उपराडे, धीरज शिवणकर, प्रमोद गौतम, शुभम जैन, सचिन चुटे, प्रमोद चुटे इत्यादींचा समावेश होता. काँग्रेस कमेटीच्या उपक्रमाची सर्वांनी प्रशंसा केली.