विपरित परिस्थितीवर मात करीत बिरसीच्या अजयची भरारी

पोटाची खळगी भरण्याच्या लगबगीत शिक्षणाकडे दुर्लक्ष होते. परंतु पोटाची आग विझवित शाळेतही नेत्रदीपक कामगिरी करणे एखाद्यालाच जमते करतो. घरात असलेल्या अठराविश्व दारिद्रयावर मात करीत

नरेश रहिले - गोंदियापोटाची खळगी भरण्याच्या लगबगीत शिक्षणाकडे दुर्लक्ष होते. परंतु पोटाची आग विझवित शाळेतही नेत्रदीपक कामगिरी करणे एखाद्यालाच जमते करतो. घरात असलेल्या अठराविश्व दारिद्रयावर मात करीत दहावीसारख्या बोर्डाच्या परीक्षेत ८३.४० टक्क्यांपर्यंत गुणांची मजल मारणाऱ्या आमगाव तालुक्यातील बिरसी येथील अजय राजकुमार सोनवाने याचे सर्वत्र कौतुक होत आहे. जिल्हा परिषद हायस्कूल आमगाव येथे शिकत असलेला हा हा गरीब कुटूंबातील मुलगा आहे. त्याचे आई-वडील मोलमजूरी करून संसार चालविण्याचा खटाटोप करतात. परंतु वाढत्या महागाईमुळे त्यांचे जगणे असह्य झाले आहे. त्यामुळे आई-वडीलांना हातभार लावण्याच्या हेतूने अजयने मागील एक-दीड वर्षापासून आमगाव येथील वैशाली मेडीकल दुकानात पार्टटाईम नोकरी स्वीकारली. शाळा भरण्यापूर्वी व शाळा सुटल्यानंतर औषधी दुकानात काम करून मिळालेल्या पैशातून शैक्षणिक साहित्य खरेदी करणे, उर्वरीत पैसे घर चालविण्यासाठी आई-वडीलांना देणे हे त्याचे काम होते. वडील राजकुमार व आई पुस्तकला हे दोघेही मोलमजूरी करून आपला संसार सुखी करण्याचे स्वप्न पहात आहे. घरची परिस्थिती हलाखीची असल्यामुळे आई-वडीलांच्या कामात हातभार लागेल, या आशेने अजयने अर्धवेळ नोकरी पत्करली. सकाळी ५ वाजता उठणे, त्यानंतर अभ्यास करणे, सकाळी ९ ते ११ वाजतादरम्यान औषधी दुकानात कामाला जाणे त्यानंतर शाळेच्या वेळात शाळेत जाणे, शाळेतून सुट्टी झाल्यावर रात्री आठ वाजतापर्यंत पुन्हा औषधी दुकानात जाणे व रात्री अभ्यास करणे हा त्याचा नित्यक्रम होता. शाळेतील वेळ तो वाया घालवित नसे. यामुळे अजयने ८३.२० टक्के गुण मिळवून शाळेतून प्रथम क्रमांक पटकाविला.