‘त्या’ वनरक्षकाच्या गळ्यात घंटा बांधा हो!

काही कर्मचार्‍यांनी नोकरी करताना स्वत:च्या कामात बेईमानी करुन अवैध व्यवसाय करण्याचा प्रकार सडक/अर्जुनी तालुक्यात पहावयास मिळत आहे. वनविभाग सडक/अर्जुनी येथील एक

सडक/अर्जुनी : काही कर्मचार्‍यांनी नोकरी करताना स्वत:च्या कामात बेईमानी करुन अवैध व्यवसाय करण्याचा प्रकार सडक/अर्जुनी तालुक्यात पहावयास मिळत आहे. वनविभाग सडक/अर्जुनी येथील एक वनरक्षकाने स्वत:च्या जंगलातून दोन बिजा जातीचे मोठे झाड कापून विकले. आपल्या तालुक्यातील त्या कत्तल झालेल्या झाडाची भनक वरिष्ठ अधिकार्‍यांना लागू नये यासाठी त्या हुशार वनरक्षकाने ट्रॅक्टरने दुसर्‍या जिल्ह्यातील एका लहानशा खेडेगावातील मोठय़ा पाटलाच्या घरी नेऊन ठेवले. त्या लाकडाची विल्हेवाट लावल्याचे बोलले जात आहे.

शासकीय नोकरी करताना काही लोक

या प्रकरणातील वनरक्षक एवढय़ावरच थांबला नाही तर त्यांनी एक मजुराच्या हातून तो पुरावा नष्ट करण्यासाठी त्या खोडाला फोडून बाजूला केल्याची माहिती आहे. वनविभागाच्या नियमाप्रमाणे ज्याने कुणी चोरी करून पुरावा नष्ट करण्याचे कृत्य केले त्यांच्यावर पुरावा नष्ट करण्याचा गुन्हा दाखल होवू शकतो, परंतु तेही काम केल्या गेले नाही. आपल्या कामात गब्बर झालेल्या कर्मचार्‍यांवर वरिष्ठांची नजर राहणे गरजेचे आहे.

असेच प्रकार सडक/अर्जुनी तालुक्यात होत राहील्यास एक दिवस कुंपणच शेत खाल्याशिवाय राहणार नाही, अशा प्रतिक्रिया उमटत आहे.

सामाजिक वनीकरण व शतकोटी वृक्ष लागवडीच्या माध्यमातून गावागावात जागा दिसेल तिथे झाडे लावल्याची योजना राबवून शासन कोट्यवधी रुपये खर्च करताना दिसत आहे. पण वनविभागाचेच कर्मचारी जर स्वत:च्या बिटातून मोठय़ा वृक्षांची विल्हेवाट लावत असतील तर या शासनाच्या योजनेला काय अर्थ राहीले हा ही संशोधनाचा विषय आहे. माती अडवा, पाणी जिरवा, झाडे लावा, झाडे जगवा व पर्यावरण वाचवा असा अनेक म्हणी आहेत. पण वनाचा रखवालदारच आपल्या कर्तव्याप्रती प्रामाणिक नसेल तर वनाचा र्‍हास झाल्याशिवाय राहणार नाही. तो वनरक्षक कोण? असा सूर उमटत आहे.

बिनधास्तपणे असे कृत्य करणारा हा वनरक्षक एका मोठय़ा नेत्यांच्या वरदहस्ताखाली जगत असल्याचे सांगण्यात येते.

या वृक्षतोड प्रकरणातील या व्यवसायिक वनरक्षकाच्या शोध मोहीमेत, जर तो वनरक्षक मिळाला तर त्या कर्मचार्‍यावर कारवाही करण्यासाठी कोणता मोठा अधिकार पुढाकार घेवून कुणाचे गळ्यात घंटा बांधले ते पुढील वनविभागाचे चौकशीत दिसून येईल. याची प्रतीक्षा नागरिकांना आहे. वरिष्ठांनी याप्रकरणी लक्ष घालावे अशीही अपेक्षा केली जात आहे.

(शहर प्रतिनिधी)

‘जो भी होगा देखा जायेगा’ याप्रमाणे वागताना दिसतात. सध्या बेकारी एवढी बोकाळली आहे, की बेरोजगारांना रोजगार मिळत नाही, तरी काही नोकरी करणार्‍यांना नोकरी टिकविता येत नाही, असे अनेक उदाहरण समोर येत आहे.‘पैसा कमाओ, पैसा बाटो’ असे करून पुढे-पुढे चालण्याची त्या वनरक्षकाची निती आहे. पण हे किती दिवस चालणार, याचा बंदोबस्त करावा, अशी मागणी नागरिकांकडून केली जात आहे.