आदिवासी दुर्गम भागातील गरजू मुलांना वस्त्रदान

बहुउद्देशिय विकास संस्थेवतीने तालुक्यातील आदिवासी दुर्गम भागातील गरजू विद्यार्थ्यांना वस्त्रदान कार्यक्रम नुकताच घेण्यात आला.

सालेकसा : बहुउद्देशिय विकास संस्थेवतीने तालुक्यातील आदिवासी दुर्गम भागातील गरजू विद्यार्थ्यांना वस्त्रदान कार्यक्रम नुकताच घेण्यात आला. संस्थेच्या युवकांनी ग्रामीण आदिवासी गावांमध्ये स्वत: जाऊन तेथील मुलांना त्यांच्या गरजेनुसार वस्त्र वाटप केले. पहिल्या टप्यात संस्थेच्या युवकांनी तालुक्यातील भर्रीटोला, सुरजाटोला, रामाटोला, शिकारीटोला या गावातील मुलांना तसेच गावातील मोलमजुरी करणाऱ्या महिला-पुरुषांनासुद्धा वस्त्र वाटप केले. वस्त्र वाटप करणाऱ्यांमध्ये राहुल हटवार, विरेंद्र बागडे, अंकुश बागडे, विक्की बागडे, ओमप्रकाश नेवारे, यादवेंद्र उके, शैलेंद्र मेश्राम, मालती बागळे, वंदना मेश्राम यांनी पुढाकार घेतला. (तालुका प्रतिनिधी)