गोरेगाव : पक्षाला बळकट करण्यासाठी जनतेला आपल्यासोबत जोडण्याची गरज आहे. शिवाय येत्या निवडणुका सुद्धा पक्षासाठी महत्त्वाचा असून, यासाठी कार्यकर्त्यांनी आता कामाला लागा, असे आवाहन माजी आमदार राजेंद्र जैन यांनी केले.
राष्ट्रवादी काँग्रेस पक्षाच्या वतीने येथे आयोजित तालुका आढावा बैठकीत उपस्थिताना मार्गदर्शन करताना ते बोलत होते. बैठकीला माजी खासदार खुशाल बोपचे, जिल्हाध्यक्ष विजय शिवणकर प्रामुख्याने उपस्थित होते. याप्रसंगी बोपचे व शिवणकर यांनीही उपस्थितांना मार्गदर्शन केले. विशेष म्हणजे, बैठकीत राष्ट्रवादी काँग्रेसचे नेते प्रदीप जैन यांचे ३१ जुलै रोजी निधन झाल्याने त्यांना श्रद्धांजली अर्पण करण्यात आली. बैठकीला आमदार मनोहर चंद्रिकापुरे, उत्तमचंद जैन, विशाल शेंडे, राजू एन. जैन, सोमेश्वर रहांगडाले, रविकांत बोपचे, रुस्तम येडे, बाबा बोपचे, विवेक शेंडे, श्रीप्रकाश रहांगडाले, बाबा बहेकार, अनिता तुरकर, कमलेश बारेवार, कल्पना बहेकार, खुशाल वैद्य, रूपसेन बघेले, लालचंद चव्हाण, दिलीप चव्हाण, कृष्ण्कुमार बिसेन, नरेश खोहदे, आनंद बडोले, बिसेनजी, अर्चना चौधरी, उषा रामटेके यांच्यासह अन्य पदाधिकारी व कार्यकर्ते उपस्थित होते.