अपघात :

अर्जुनी मोरगाव तालुक्यातील बाराभाटीलगतच्या ग्राम कुंभीटोला येथे भरधाव वेगात असलेले दोन ट्रक उलटले.

अपघात : अर्जुनी मोरगाव तालुक्यातील बाराभाटीलगतच्या ग्राम कुंभीटोला येथे भरधाव वेगात असलेले दोन ट्रक उलटले. बुधवारी सकाळी ८.४० वाजतादरम्यान ही घटना घडली. या घटनेत ट्रक रस्त्याखाली उतरले असून त्यांचे नुकसान झाले आहे. मात्र या दोन्ही अपघातांत जीवित हानी झालेली नाही. कोहमारा ते अर्जुनी-मोरगाव येथे मुख्य मार्गावर कुंभीटोला हे गाव आहे. बुधवारी चौकात एक ट्रक घरतकर यांच्या घरासमोर रस्त्याच्या खाली उतरला व रस्त्याच्या कडेला असलेली झाडे तुडवीत ट्रक उलटला. तर दुसरा ट्रक ८.३० वाजतादरम्यान रस्त्याच्या खाली उतरला. या ट्रकचा क्रमांक एनएल०८/ए ५९९९ असून जे.एस. ट्रांसपोर्ट कंपनी रायपूरचा हा ट्रक आहे.मात्र हा प्रकार बघता गावकऱ्यांनी या रस्त्यावर गतिरोधक बनविण्याची मागणी केली आहे.