गोंदिया : सडक-अर्जुनीच्या आर.के. पेट्रोलपंपसमोर १५ एप्रिलच्या सायंकाळी ५ वाजता १ लाख ७६ हजार रुपयाची तंबाखू व तंबाखूजन्य पदार्थ जप्त करण्यात आले. ही कारवाई डुग्गीपार पोलिसांनी केली आहे.
सडक-अर्जुनीच्या आर. के. पेट्रोलपंपसमोर डुग्गीपार पाेलिसांनी नाकाबंदी करून रिमझिम टोबॅको नं.१ चे एक किलो वजनाचे १० पॅकेट किंमती ५ हजार ५०० रूपये, इगल हुक्का शिसा टोबॅकोचे ४०० ग्रॅम वजनाचे २०० व्होलसेल पॅकेट किंमत १ लाख ८ हजार, आर. के. सुपर प्रीमियम क्वाॅलिटी हुक्काचे २०० ग्रॅम वजनाचे १००० पॅकेट किंमत ५० हजार, एम डी.-७ सुपर प्रीमियम क्वालीटी हुक्काचे २०० ग्रॅम वजनाचे ३५० पॅकेट किंमत १७ हजार ५०० रुपये असा एकूण १ लाख ८१ हजार रुपयांचा तंबाखू पकडला. त्यातील काही तंबाखू नमुन्यांसाठी काढून १ लाख ७६ हजार २४० रुपये किंमतीचा ३५२ क्विंटल ८ किलो वजनाची तंबाखू जप्त करण्यात आला. अन्न सुरक्षा अधिकारी भंडारा येथील अन्न सुरक्षा अधिकारी पीयूृष वसंतराव मानवतकर (३०) यांच्या तक्रारीवरून डुग्गीपार पोलिसांनी भादंविच्या कलम १८८, २७२, २७३ सहकलम ३(१) (झेड,झेड),(आय, आय, आय),२६(२), (आय),२६, (२), (आय व्ही),२७ (३), (ई), ३० (२) ए, ५९ अन्न सुरक्षा व कायदे अन्वये गुन्हा नोंद केला आहे. तपास पोलीस हवालदार शेंडे करत आहेत. तपास पोलीस हवालदार शेंडे करत आहेत.