गडचिरोली : जिल्हा परिषद व पंचायत समित्यांमधील जागांच्या आरक्षणाची पध्दत व चक्रानुक्रम नुसार मतदार गट व गण प्रसिध्द करण्यापूर्वी जिल्हा परिषद व पंचायत समिती क्षेत्रात सभा घेऊन नागरिकाचा मागास प्रवर्ग व महिला-अनुसूचित जाती, अनुसूचित जमाती व नागरिकांच्या मागास प्रवर्गातील/सर्वसाधारण प्रवर्गातील महिलांसह राखून ठेवावयाच्या जागा निश्चित करावयाच्या आहे. यासाठी जिल्हाधिकारी कार्यालय गडचिरोली येथे ५ आक्टोबरला दुपारी १ वाजता सभा आयोजित करण्यात आली आहे, अशी माहिती जिल्हाधिकारी गडचिरोली यांनी दिली आहे. ५ आॅक्टोबर रोजी सर्व बाराही तहसील कार्यालयात सभा आयोजित होणार आहे. कोरची येथे सकाळी ११ वाजता, कुरखेडा दुपारी ३ वाजता, देसाईगंज दुपारी ३ वाजता, आरमोरी सकाळी ११ वाजता, धानोरा सकाळी ११ वाजता, गडचिरोली दुपारी ३ वाजता, चामोर्शी दुपारी ३ वाजता, मुलचेरा सकाळी ११ वाजता, एटापल्ली दुपारी ३ वाजता, भामरागड सकाळी ११ वाजता, अहेरी दुपारी ३ वाजता, सिरोंचा येथे सकाळी ११ वाजता सभा होणार आहे. या साभेला जिल्हा परिषद व पंचायत समिती क्षेत्रातील रहिवास्यांनी उपस्थित राहावे, असे आवाहन जिल्हाधिकारी यांनी केले आहे. (जिल्हा प्रतिनिधी)
जि.प., पं.स.साठी ५ ला निघणार सोडत
By admin | Updated: September 27, 2016 01:55 IST