ट्रकच्या धडकेने युवती ठार

इंदिरा गांधी चौकातून जिल्हाधिकारी कार्यालयाकडे जाणाऱ्या दुचाकीला ट्रकने जोरदार धडक दिली.

गडचिरोली : इंदिरा गांधी चौकातून जिल्हाधिकारी कार्यालयाकडे जाणाऱ्या दुचाकीला ट्रकने जोरदार धडक दिली. या धडकेत युवती जागीच ठार झाल्याची घटना मूल मार्गावरील रिलायन्स पेट्रोलपंप समोर दुपारी १ वाजताच्या सुमारास घडली. डिंपल देविदास राऊत रा. पोर्ला असे मृतक युवतीचे नाव आहे. डिंपल ही जिल्हाधिकारी कार्यालयात कंत्राटी पध्दतीवर नोकरीला होती. शनिवारी ती इंदिरा गांधी चौकातून जिल्हाधिकारी कार्यालयाकडे एमएच ३३ पी ५५६४ क्रमांकाच्या दुचाकीने जात होती. दरम्यान कॉम्प्लेक्स वरून इंदिरा गांधी चौकाकडे ट्रक येत होता. या ट्रकने डिंपलच्या दुचाकीला जोरदार धडक दिली. या धडकेने डिंपल दुचाकीवरून कोसळली व तिचे डोके ट्रकच्या चक्क्याखाली आला. त्यामुळे तिच्या डोक्याचा चेंदामेंदा झाला. एवढा मोठा अपघात होऊनही दुचाकीचे मात्र कोणतेही नुकसान झाले नाही. ट्रकचालकाने घटनास्थळावरून ट्रकसह पळ काढला. शहराच्या मध्यभागी अगदी दुपारच्या सुमारास अपघात घडल्याने पाहणाऱ्यांची गर्दी उसळली होती. त्यामुळे जवळपास अडीच वाजेपर्यंत या मार्गावरील वाहतुकीची कोंडी झाली होती. घटनास्थळ गाठून मृतदेह उचलला. डिंपलच्या एकाकी मृत्यूमुळे पोर्ला येथे हळहळ व्यक्त केली जात आहे. (नगर प्रतिनिधी)प्रभंजन चित्तरंजन समजदार रा. आशीर्वाद वार्ड, गडचिरोली हे गडचिरोलीवरून पोटेगावकडे जात असताना २९ जानेवारी रोजी रात्री १० वाजताच्या सुमारास रानडुक्कर आढावा आला. त्यामुळे त्यांचे वाहन तीन ते चारवेळा रस्त्याच्या बाजुला जाऊन पलटले. यामध्ये वाहनाचे नुकसान झाले असले तरी कोणतीही जीवितहानी झाली नाही. प्रभंजन समदार हे किरकोळ जखमी आहेत. त्यांना रूग्णालयात दाखल करण्यात आले.