तर या घटनेत मयूर संतोष ठेंगरी, २४ वर्षे, रा. अहेर ता. ब्रम्हपुरी हा गंभीर जखमी झाला आहे. हे दोघेही चुलत भाऊ असल्याचे सांगण्यात येत आहे.
प्राप्त माहितीनुसार, राहुलने मंगळवारी सायंकाळी आपल्या आईला लगतच्या ब्रम्हपुरी तालुक्यातील अहेर येथे सोडून दिले. मूळगावी लग्न असल्याने मूळगावी ताे परत आला होता. येताना त्याचा चुलत भाऊ मयूर ठेंगरी हा देखील त्यांच्या सोबत त्याच्या गावी सोनी/ चप्राड येथे आला होता.
दरम्यान लग्न समारंभ आटोपल्यानंतर मयूरने राहुलला आपल्या मूळगावी अहेरला नेऊन देण्यासाठी तगादा लावला होता. त्यामुळे राहुलची इच्छा नसताना सुद्धा मयूरला पोहचवून देण्यासाठी आपल्या दुचाकीने त्याला घेऊन निघाला होता. दरम्यान ब्रम्हपुरी मार्गांवरील विर्शी वार्ड टी-पाईंट येथे ब्रम्हपुरी मार्गे येत असलेल्या खासगी बस क्रमांक एमएच-४९ एटी ६७५७ ला समोरुन जोरदार धडक दिल्याने अपघात घडला. यात राहुल ठाकरे याचा जागीच मृत्यू झाला तर मयूर ठेंगरी गंभीर जखमी झाला. घटनेची माहिती मिळताच देसाईगंज पोलिसांनी घटनास्थळ गाठून दोघांनाही देसाईगंजच्या ग्रामीण रुग्णालय हलवले असता मयूर ठेंगरीची गंभीर अवस्था असल्याने त्यास गडचिरोलीच्या सामान्य रुग्णालयात हलविण्यात आले आहे. घटनेचा पुढील तपास देसाईगंज पोलीस करीत आहेत.