दोन कारची समोरासमोर धडक

तालुक्यातील किटाळी गावानजीक दोन चारचाकी वाहनांची समोरासमोर धडक झाल्याने या अपघातात तिघेजण गंभीर जखमी झाल्याची घटना ८ सप्टेंबर शनिवारी रात्री ८.१५ वाजताच्या सुमारास घडली. चंद्रभान बांबोळे (४५), विनोद लोहट (३०), नितेश मडावी (३०) तिघेही रा. किटाळी तालुका आरमोरी असे या अपघातातील जखमींची नावे आहेत.

ठळक मुद्देतीन जखमी : किटाळी गावानजीकची घटना

लोकमत न्यूज नेटवर्कआरमोरी : तालुक्यातील किटाळी गावानजीक दोन चारचाकी वाहनांची समोरासमोर धडक झाल्याने या अपघातात तिघेजण गंभीर जखमी झाल्याची घटना ८ सप्टेंबर शनिवारी रात्री ८.१५ वाजताच्या सुमारास घडली. चंद्रभान बांबोळे (४५), विनोद लोहट (३०), नितेश मडावी (३०) तिघेही रा. किटाळी तालुका आरमोरी असे या अपघातातील जखमींची नावे आहेत.चंद्रभान बांबोळे हे आपल्या एमएच ३३ ए ५५६९ क्रमांकाच्या कारने वैरागडवरून किटाळीकडे स्वगावी जात होते. बांबोळे यांचेवर गडचिरोली-आरमोरी राज्य महामार्गावरील रस्त्यालगत असल्याने त्याने आपल्या वाहनाचा इंडीकेटर समोरून येणाऱ्या वाहनांना दाखवून कार स्वत:च्या घराकडे वळविली. दरम्यान गडचिरोलीवरून आरमोरीकडे जाणाºया एमएच ३५ पी ३९०६ क्रमांकाच्या कारने बांबोळे यांच्या कारला धडक दिली. कारलगत किटाळी येथील विनोद लोहट व नितेश मडावी बोलत होते. त्यांना गडचिरोलीवरून आरमोरीकडे जाणाºया कारची धडक बसली. या अपघातात तिघे जण जखमी झाले. ग्रामस्थांनी जखमी विनोद लोहट याला आरमोरीच्या ग्रामीण रूग्णालयात भरती केले. तर कार चालक बांबोळे यांना ब्रह्मपुरीच्या खासगी रूग्णालयात हलविण्यात आले. आरमोरी पोलिसांनी घटनास्थळ गाठून दोषी वाहन चालकावर विविध कलमान्वये गुन्हा दाखल केला.