ठिकठिकाणी घेतली तंबाखूमुक्तीची शपथ

एटापल्ली तहसील कार्यालयात शपथ घेताना तहसीलदार अतुलकुमार अष्टे, एसडीपीओ सुदर्शन पाटील, पोलीस निरीक्षक शीतलकुमार डोईकोडे, संवर्ग विकास अधिकारी किशोर गज्जलवार, नगराध्यक्ष, नगरसेवक , जि. प. सदस्य, पं. स. सदस्य, मुक्तिपथ तालुका संघटक किशोर मलेवार, सर्व महसूल कर्मचारी, शहरातील सामाजिक कार्यकर्ते उपस्थित होते. कोरची पंचायत समिती, गटसाधन केंद्र, तहसील कार्यालय, पोलीस स्टेशन, वनश्री कॉलेज, श्रीराम हायस्कूल, पार्वताबाई हायस्कूलमध्ये कर्मचारी तसेच विद्यार्थ्यांना मुक्तिपथ तालुका संघटक निळा किन्नाके व तालुका प्रेरक विनोद पांडे यांनी तंबाखूमुक्तीची शपथ दिली. पंचायत समिती व गटसाधन केंद्रात पं.स. सभापती श्रावण मातलाम, उपसभापती सुशीला जमकातन, पं. स. सदस्य कचरीबाई काटेंगे, सदाराम नुरुटी, संर्वग विकास अधिकारी देविदास देवरे, गट विकास अधिकारी ए. एच. आत्राम, माजी उपसभापती गोंविदा दरवडे आदी उपस्थित होते. धानोरा तहसील कार्यालयातील अधिकारी, कर्मचाऱ्यांनी तंबाखूमुक्तीची शपथ घेतली . यावेळी तहसीलदार नारायण पितूलवार, मुक्तिपथ तालुका प्रेरक अक्षय पेद्दीवार उपस्थित होते. देसाईगंज येथील तहसील कार्यालय तसेच आदर्श महाविद्यालयातील विद्यार्थ्यांनी तंबाखूमुक्तीची शपथ घेतली. यावेळी तालुका संघटक भारती उपाध्ये उपस्थित होत्या. चामोर्शी तहसील कार्यालयात तंबाखूमुक्तीची शपथ घेण्यात आली. यावेळी उपजिल्हाधिकारी तथा तहसीलदार आकाश अवतरे, एसडीपीओ उत्तम तोडसाम यांच्यासह अधिकारी, कर्मचारी उपस्थित होते. आरमोरी, मुलचेरा तहसील कार्यालयातही तंबाखूमुक्तीची शपथ घेण्यात आली.