नदीतील कीटकांचा अभ्यास

स्थानिक महात्मा गांधी कला, विज्ञान व स्व. न. पं. वाणिज्य महाविद्यालयाच्या विद्यार्थ्यांनी आरमोरी, कासवी नदी पात्राच्या परिसरातील कीटकांचा अभ्यास

आरमोरी : स्थानिक महात्मा गांधी कला, विज्ञान व स्व. न. पं. वाणिज्य महाविद्यालयाच्या विद्यार्थ्यांनी आरमोरी, कासवी नदी पात्राच्या परिसरातील कीटकांचा अभ्यास केला करून त्याविषयीचा अहवाल प्राणीशास्त्र विभागास सादर केला आहे. शेती व उद्योगांमध्ये कीटकनाशकांचा वापर केला जातो. त्यामुळे नदी व नाल्यातील पाणी प्रदूषित झाले आहे. त्याचबरोबर नदी सभोवतालच्या परिसरात काळानुरूप बदल होत असल्याने त्या परिसरात राहणाऱ्या किटक व जीवसृष्टीवरही परिणाम पडतो. यातील बदल जाणून घेण्याच्या दृष्टीने कीटकांचा अभ्यास केला. सदर अभ्यास प्रा. जयेश पापडकर व प्रा. डॉ. राजेंद्र चव्हाण यांच्या मार्गदर्शन करण्यात आला. या प्रोजेक्ट रिपोर्टचे विमोचन प्राचार्य डॉ. लालसिंग खालसा व प्रा. डॉ. गोपाल तामगाडे यांच्या हस्ते झाले. प्रोजेक्ट व संशोधनासाठी शीतल भानारकर, रूपाली भुसारी, मिनाक्षी चोपकार, उज्ज्वला बिडवाईकर, उद्धव बुद्धे, रूपेश रामटेके, कपील प्रधान, धनराज काळबांधे, खुशाल रामटेके, धिरज निमगडे, सचिन काळबांधे यांनी सहकार्य केले.