आमदारांच्या वर्षपूर्ती पुस्तकाचे विमोचन

गडचिरोली विधानसभा क्षेत्राचे आ. डॉ. देवराव होळी यांनी वर्षपूर्ती हे पुस्तक प्रकाशित केले आहे.

विकासाचा आढावा : २०० कोटींची कामेगडचिरोली : गडचिरोली विधानसभा क्षेत्राचे आ. डॉ. देवराव होळी यांनी वर्षपूर्ती हे पुस्तक प्रकाशित केले आहे. या पुस्तकात वर्षभर केलेल्या कामांचा आढावा घेण्यात आला आहे. या पुस्तकाचे विमोचन रविवारी रेस्टहॉऊसमध्ये करण्यात आले. यावेळी खा. अशोक नेते, आ. डॉ. देवराव होळी, रमेश भुरसे, प्रमोद पिपरे, जि. प. सदस्य प्रशांत वाघरे, रवी ओल्लालवार, अनिल पोहणकर, प्रतिभा चौधरी, रामायण खटी, नंदू काबरा, श्रीकृष्ण कावनपुरे, अनिल करपे, सुधाकर नाईक, रणछोड कलंत्री आदी उपस्थित होते. आमदारकीच्या वर्षभराच्या कालावधीत आ. डॉ. देवराव होळी यांनी २०० कोटीपेक्षा अधिक विकासाची कामे केली आहेत. या कामांची माहिती, प्रत्यक्ष गावात जाऊन जाणलेल्या समस्या, नागरिकांची निवेदने स्वीकारून त्यांचा शासनाकडे केलेला पाठपुरावा व भविष्यात करावयाची कामे आदींचा लेखाजोगा पुस्तकात मांडण्यात आला आहे. आ. डॉ. होळी यांनी अतिशय चांगले काम केले असून केलेली कामे जनतेपर्यंत पोहोचविण्याच्या उद्देशाने वर्षपूर्ती हे पुस्तक अत्यंत मोलाची भूमिका बजावेल, असे गौरवोद्गार खा. अशोक नेते यांनी काढले. (नगर प्रतिनिधी)