पटवारी भवनात शिरले पावसाचे पाणी

पटवारी भवन परिसरातील पाण्याचा याेग्य प्रकारे निचरा हाेत नसल्याची तक्रार येथील महिलांनी १९ जुलै राेजी नगर परिषदेकडे केली हाेती. परंतु महिलांच्या मागणीकडे दुर्लक्ष करण्यात आले. जुलै महिन्यात अधूनमधून येणाऱ्या पावसामुळे येथे पाणी तुंबून राहात हाेते. परंतु लाेकांच्या घरात पाणी शिरत नव्हते. परंतु राष्ट्रीय महामार्गालगतची नाली पूर्णत: तुंबल्याने रविवारी आलेल्या जाेरदार पावसामुळे पाणी पटवारी भवनात शिरले. याशिवाय परिसरातील अनेक नागरिकांच्या घरातही पाणी शिरले. आरमाेरी मार्गालगत बांधकाम केल्याने नालीत मलबा शिरला आहे. त्यामुळे नाली तुंबली व ही समस्या निर्माण झाली, असे येथील नागरिकांचे म्हणणे आहे. या वाॅर्डातील महिलांनी सदर समस्येची तक्रार नगर परिषदेकडे केली हाेती. परंतु काहीच कार्यवाही झाली नाही. त्यामुळे वरिष्ठ अधिकाऱ्यांनी दखल घेऊन पाण्याचा याेग्य निचरा व्हावा, यासाठी उपाययाेजना करावी, अन्यथा नगर परिषदेवर माेर्चा काढण्यात येईल, असा इशारा महिलांनी दिला आहे.