खंडित वीज पुरवठा दुरूस्तीचे काम जोमात

वादळामुळे कोरची येथील ३३ केव्ही विद्युत वाहिनीचे लाखो रुपयांचे नुकसान झाले. अनेक ठिकाणी विद्युत खांब व तारा तुटल्या. सदर वीज तारा जोडण्याचे व नवीन वीज खांब उभारण्याचे काम युद्धपातळीवर सुरू आहे. ३३ केव्ही वीज वितरण कंपनीचे सहायक अभियंता प्रफुल कुलसंगे व लाईनमन डी.सी.बाराहाते, कंत्राटी कामगार राजकुमार लांजेवार, एस.एल.सोनवने तसेच कंत्राटी कर्मचारी वीज पुरवठा सुरळीत करण्याच्या कामात व्यस्त आहेत.

ठळक मुद्देकर्मचारी व्यस्त : वादळामुळे महावितरणचे नुकसान

लोकमत न्यूज नेटवर्ककोरची : ३ जून रोजी बुधवारला कोरची शहरासह तालुक्याच्या विविध भागात वादळाने कहर केला. दरम्यान पाऊस बरसला. वादळामुळे वीज खांब वाकून तारा तुटल्या. परिणामी वीज पुरवठा खंडित झाला. सदर खंडित वीज पुरवठा सुरळीत करण्याचे काम महावितरणच्या कर्मचाऱ्यांमार्फत सुरू आहे.वादळामुळे कोरची येथील ३३ केव्ही विद्युत वाहिनीचे लाखो रुपयांचे नुकसान झाले. अनेक ठिकाणी विद्युत खांब व तारा तुटल्या. सदर वीज तारा जोडण्याचे व नवीन वीज खांब उभारण्याचे काम युद्धपातळीवर सुरू आहे. ३३ केव्ही वीज वितरण कंपनीचे सहायक अभियंता प्रफुल कुलसंगे व लाईनमन डी.सी.बाराहाते, कंत्राटी कामगार राजकुमार लांजेवार, एस.एल.सोनवने तसेच कंत्राटी कर्मचारी वीज पुरवठा सुरळीत करण्याच्या कामात व्यस्त आहेत. वादळामुळे कोरची येथे १२ वीज खांब तुटले. ४० ठिकाणच्या विद्युत खांबांच्या तारा व इन्सुलेटर तुटल्या. परिणामी शहरासह ग्रामीण भागाचा वीज पुरवठा पूर्णपणे खंडित झाला होता. गावातील विद्युत लाईनवर झाडे उन्मळून पडल्याने वीज तारा तुटल्या होत्या. दुरूस्तीच्या कामाला ४ जूनपासून महावितरणच्या वतीने सुरूवात करण्यात आली. ४ जून रोजी सायंकाळपासून कोरची शहरातील वीज पुरवठा सुरळीत झाला. शहरानंतर वीज कर्मचाऱ्यांनी आपला मोर्चा ग्रामीण भागात वळविला. जीर्ण झालेले वीज खांब अधिक वाकले. असे गंजलेले वीज खांब बदलवून नवीन खांब उभारण्याचे काम गेल्या चार दिवसांपासून सुरू आहे. या ठिकाणी हे काम केले जात आहे, त्या ठिकाणची डीपी बंद केली जात आहे. दिवसभर भर उन्हात वीज वितरण कंपनीचे अधिकारी व कर्मचारी वीज पुरवठा सुरळीत करण्याचे काम करीत असल्याचे दिसून येत आहेत.