शासकीय स्तरावरून देण्यात आलेल्या सिंचन विहिरी, विंधन विहिरी बेरोजगारीवर मात करण्यासाठी पर्याय ठरू लागल्याने शेतकऱ्यांनी मोठ्या प्रमाणात सिंचनासाठी कृषिपंपांचा वापर करणे सुरू केले आहे. मात्र एकाच लाइनमनकडे पाच-पाच गावांचा प्रभार असल्याने लावण्यात आलेल्या ट्रान्सफार्मरच्या देखभाल दुरुस्तीकडे दुर्लक्ष होत आहे. तालुक्यात जराही ओव्हरलोड झाल्यास वारंवार फ्युज उडणे ही समस्या नेहमीच उद्भवते. यामुळे सिंचन सुविधा प्रभावित होते. ओव्हरलोडने फेज आपाेआप उडतात; परंतु वारंवार हेच होत असल्याने संबंधित शेती परिसरात पंपांच्या फेजबाबत समजणारे व फेज टाकणारे गावागावात तयार झाले आहेत. ओव्हरलोड झाल्यानंतरही न उडणारे ठोकळ स्वरूपाचे फ्युज टाकत असल्याने ते फ्युज टाकण्याचे चिनीमातीचे आतील साहित्य जळून खाक होते. पर्यायाने ते वापरण्यायोग्य राहत नाही. त्यामुळे तालुक्यातील बहुतांश भागातील ट्रान्सफार्मर आतून भस्म झालेले आहेत. शेतकऱ्यांना लाइनमन वेळेवर उपलब्ध होत नसल्याने पर्यायाने गावातीलच कृषिपंपांचे ट्रान्सफार्मर हाताळणाऱ्या लाेकांना हाताशी धरून शेतकऱ्यांना वेळीच फ्युज टाकून समस्या साेडवावी लागते.
बाॅक्स
लाइनमनकडे अनेक गावांचा भार
आजच्या घडीला डीपी बाॅक्समधील फ्युज लाॅकसिस्टीमचे असले तरी गरजेच्या वेळी डीपी बाॅक्स जबरदस्तीने उघडले जात असल्याने लाॅक तुटलेले दरवाजे सताड उघडे राहते. यामुळे जीवितहानी होण्याची शक्यता नाकारता येत नाही. देसाईगंज तालुक्यातील बहुतांश भागातील ट्रान्सफार्मरची ही दुरवस्था आहे. त्यामुळे ट्रान्सफार्मरचे आतील जळालेले फेज बदलून त्या जागी नवीन लावावे. तसेच डीपी बाॅक्स कुलूपबंद करण्यात यावे व गावात नेमलेल्या लाइनमनकडील अतिरिक्त गावांचा भार काढून त्या ठिकाणी आवश्यक पदे भरावी, अशी मागणी परिसरातील शेतकऱ्यांनी केली आहे.
250821\img_20200324_113617.jpg
तालुक्यातील ट्रान्सफार्मरची दुरावस्था