अखर्चित निधी : अंगणवाडी इमारत बांधकाम; चार वर्षे उलटूनही ११४ इमारती अपूर्णचलोकमत विशेषदिलीप दहेलकर गडचिरोलीजिल्हा परिषदेच्या महिला व बाल कल्याण विभागाच्या वतीने २०११-१२ या वर्षात जिल्ह्यात अंगणवाडी इमारतीची ४३५ कामे मंजूर करण्यात आली. यापैकी ११४ कामे अपूर्ण आहेत. या कामावरील अखर्चित पावणे दोन कोटी रूपयांचा निधी शासनाला परत जाणार असल्याची विश्वसनिय माहिती जि.प. च्या महिला व बाल कल्याण विभागाच्या सूत्रांकडून मिळाली आहे. गडचिरोली जिल्ह्यात बाराही तालुक्यात एकूण १७७१ अंगणवाड्यात आहेत. यापैकी बहुतांश अंगणवाड्यांच्या इमारतीची दूरवस्था आहे. तर अनेक अंगणवाड्या समाजभवन तसेच जिल्हा परिषद शाळांच्या जुन्या इमारती भरविल्या जातात. अंगणवाडी इमारतीचा प्रश्न मार्गी लागावा, याकरिता जिल्हा परिषद प्रशासनाच्या वतीने २०११-१२ मध्ये इमारत बांधकामाचा आराखडा तयार करण्यात आला. या आराखड्याला राज्य शासनाने मंजुरी दिली. त्यानुसार नाबार्ड व जिल्हा नियोजन व विकास समितीमार्फत ४३५ अंगणवाडी इमारतीच्या कामांना मंजुरी प्रदान करण्यात आली आहे. तसेच नाबार्ड व डीपीडीसीकडून जि.प.ला १९ कोटी ५६ लाख रूपयांचा निधी प्राप्त झाला. मिळालेल्या निधीतून जि.प. च्या बालकल्याण विभागामार्फत जिल्ह्यात ३२१ कामे पूर्ण करण्यात आली. मंजूर ४३५ कामांची किमत प्रत्यक्षात १७ कोटी ४० लाख रूपये होती. त्यामुळे उर्वरित २ कोटी १६ लाख रूपये जि.प. प्रशासनाने यापूर्वीच शासनाला परत केले आहे. त्यानंतर अपूर्ण कामांमुळे पावणे दोन कोटींचा निधी शिल्लक राहिला. सदर निधी जमा करण्याची कारवाई प्रशासकीय स्तरावर सुरू असून या महिन्याच्या अखेरीस सदर निधी शासनाला परत केला जाणार आहे.नव्याने मंजुरी घ्यावी लागणारजिल्ह्यातील बाराही तालुक्यात एकूण ४३५ अंगणवाडी इमारतीचे बांधकाम मंजूर करण्यात आले. यापैकी ३२१ कामे पूर्ण झाले असून ११४ कामे अपूर्ण आहेत. विहित वेळेत सदर कामे पूर्ण न झाल्याने शिल्लक निधी शासनाला परत पाठविण्याचे निर्देश वरिष्ठस्तरावरून जि.प. प्रशासनाला प्राप्त झाले. त्यामुळे आता अपूर्ण कामे पूर्ण करून घेण्यासाठी शासनाकडे नव्याने प्रस्ताव पाठवून मंजुरी मिळवावी लागणार आहे.
पावणेदोन कोटी परत जाणार
By admin | Updated: July 16, 2015 01:57 IST