अहेरी : आलापल्ली येथील मॉडेल स्कूल बंद केल्यामुळे संतप्त झालेल्या विद्यार्थ्यांनी पालकांसह पालकमंत्र्यांचा बंगला व तहसील कार्यालयाला गुरूवारी धडक दिली व मॉडेल स्कूल सुरू करण्याबाबत निवेदन सादर केले.केंद्र शासनाने राज्यातील सर्व मॉडेल स्कूल बंद करण्याचा निर्णय घेतला आहे. याचा फटका अहेरी तालुक्यातील आलापल्ली मॉडेल स्कूललाही बसला. मॉडेल स्कूल बंद होत असल्याबाबतची माहिती प्राप्त होताच या विद्यालयांमध्ये शिकणारे विद्यार्थी व त्यांच्या पालकांमध्ये संतापाची भावना निर्माण झाली. गुरूवारी त्यांनी सर्वप्रथम पालकमंत्र्यांच्या बंगल्यावर धडक दिली. मात्र पालकमंत्री उपस्थित नसल्याने त्यांच्या प्रतिनिधीकडे निवेदन सादर केले. त्यानंतर त्यांनी आपला मोर्चा तहसील कार्यालयाकडे वळविला. तहसीलदारांना निवेदन सादर करून याबाबत चर्चा केली. चर्चेदरम्यान आलापल्ली येथील मॉडेल स्कूल उत्तमरित्या सुरू होते. मॉडेल स्कूल बंद केल्यामुळे या शाळेत विद्यार्थी शिक्षणापासून वंचित राहण्याचा धोका निर्माण झाला असल्याने सदर शाळा सुरू कराव्या, अशी मागणी शेकडो पालकांनी पालकमंत्री व तहसीलदार यांना दिलेल्या केली आहे. यावेळी सुधाकर तोडासे, किर्तीवंत तोरे, सत्यनारायण कुमरे, अशोक चालुरकर, आर. बी. पारेल्लीवार, टी. जी. दुर्गे, दशरथ गव्हारे, माधव राऊत, शामराव राऊत, ज्ञानेश्वर गोबाडे, बापू कोठारी, राजन्ना भूपल्लीवार, श्रीनिवास कन्नमवार, एस. के. नाझीर, सुशीला आडे, मनोंद्र बाला, पी. व्ही. मल्लेलवार, विश्वनाथ झाडे, अरूण ठाकरे, सपन हलदार, राजेश मोहुर्ले, विनायक बोरूले, अर्चना नगराळे, शहाजान पठाण, रोहिणी हाते, लक्ष्मी रामगिरवार, सुमित्रा खोब्रागडे, विमला मडावी, कल्पना लोखंडे, रमेश सांबाकार आदी उपस्थित होते.
मॉडेल स्कूलच्या विद्यार्थ्यांनी दिली राजवाड्यावर धडक
By admin | Updated: June 26, 2015 00:09 IST