अवयवदानाबाबत ग्रामीण भागात व्यापक जनजागृती करा

अवयव दानाबाबत नागरिकांना फारशी माहिती उपलब्ध नाही. रक्तदानाविषयी आरोग्य विभाग व प्रशासनाने

खासदारांचे प्रतिपादन : संकल्प करणाऱ्यांचा सत्कारगडचिरोली : अवयव दानाबाबत नागरिकांना फारशी माहिती उपलब्ध नाही. रक्तदानाविषयी आरोग्य विभाग व प्रशासनाने केलेल्या जनजागृतीनंतर नागरिक स्वत:हून रक्तदान करण्यास तयार होता. त्याचप्रमाणे अवयवदानासाठीही नागरिक समोर येण्यासाठी व्यापक प्रमाणात जनजागृतीची गरज असल्याचे प्रतिपादन खासदार अशोक नेते यांनी केले. जिल्हा सामान्य रूग्णालय गडचिरोली येथे देहदान, नेत्रदान व अवयवदानाकरिता अर्ज भरण्याची प्रक्रिया बाह्यरूग्ण विभागात सुरू करण्यात आली आहे. या अगोदर अवयवदानाचे अर्ज भरलेल्यांना सन्मानपत्र देऊन गौरविण्याचा कार्यक्रम गुरूवारी आयोजित करण्यात आला. या कार्यक्रमाच्या उद्घाटनप्रसंगी बोलत होते. कार्यक्रमाच्या अध्यक्षस्थानी अप्पर जिल्हाधिकारी महेश आव्हाड उपस्थित होते. प्रमुख अतिथी म्हणून उपजिल्हाधिकारी दुर्वेश सोनवाणे, जिल्हा माहिती अधिकारी प्रशांत दैठणकर, जिल्हा शल्य चिकित्सक डॉ. प्रमोद खंडाते, अतिरिक्त जिल्हा शल्य चिकित्सक डॉ. अनिल रूडे, डॉ. किरण मडावी, डॉ. शेंद्रे, सुधाकर येनगंधलवार, रेखा डोळस, स्वप्नील वरघंटे, मनोहर हेपट, डॉ. शिवनाथ कुंभारे आदी मान्यवर उपस्थित होते. डॉ. कुंभारे यांनी अवयवदान करण्याची प्रक्रिया व अवयव प्रत्यारोपणाबाबतची विस्तृत माहिती विशद केली. आपले अवयवदान करून तुम्ही या जगात जीवंत राहण्याची किमय्या साधू शकता, असे मार्गदर्शन केले. अप्पर जिल्हाधिकारी महेश आव्हाड यांनी गडचिरोली जिल्हा राज्यात वनपट्टे वितरण, आधार कार्ड तसेच विविध योजनांची अंमलबजावणी करण्यात अग्रस्थानी आहे. अवयवदान करण्यातही आपण आघाडी घेऊ, असा आशावाद व्यक्त केला. यावेळी अवयवदानाविषयी चित्रकला, रांगोळी, निबंध स्पर्धेतील विजेत्यांचा स्मृतीचिन्ह व पारितोषीक देऊन सन्मान करण्यात आला. संचालन डॉ. प्रशांत किलनाके, आभार डॉ. शैलजा मैदमवार यांनी मानले. (नगर प्रतिनिधी)अवयव दानाचा संकल्प करणाऱ्यांचा सत्कारअवयवदान करण्याचा संकल्प केलेल्या खासदार अशोक नेते, जिल्हा माहिती अधिकारी प्रशांत दैठणकर, मंजुनाबिन जोशी, मुकूंद जोशी, संजय नेरलावार, सुमित सोनटक्के, देवानंद कामडी, प्रांजली आर्इंचवार, शंकुतला पाठक, सुचित कामडी, दादाराव अढाऊ, बबिता अढाऊ, विवेक मुरकुटे, स्मिता लडके, सुरेश लडके, डॉ. प्रमोद खंडाते यांचा मान्यवरांच्या हस्ते सत्कार करण्यात आला.