नवनियुक्त जिल्हाधिकाऱ्यांचा सत्कार

जिल्हाधिकारी रणजीतकुमार यांचे स्थानांतरण झाल्यानंतर त्यांच्या जागेवर नियुक्त झालेल्या अमगोथू श्रीरंग नायक यांचा अखिल भारतीय सफाई मजदूर...

सदिच्छा भेट : अखिल भारतीय सफाई मजदूर काँग्रेस व वसंतराव नाईक अधिकारी कर्मचारी संघटनेचा पुढाकारगडचिरोली : जिल्हाधिकारी रणजीतकुमार यांचे स्थानांतरण झाल्यानंतर त्यांच्या जागेवर नियुक्त झालेल्या अमगोथू श्रीरंग नायक यांचा अखिल भारतीय सफाई मजदूर काँग्रेस व वसंतराव नाईक अधिकारी कर्मचारी संघटनेच्या वतीने सदिच्छा भेट देऊन गुरूवारी सत्कार करण्यात आला. अखिल भारतीय सफाई मजदूर काँगे्रसच्या वतीने नवनियुक्त जिल्हाधिकारी अमगोथू श्रीरंग नायक यांचा संघटनेचे प्रचारमंत्री सजन सिलेदार यांच्या हस्ते पुष्पगुच्छ देऊन स्वागत करण्यात आले. यावेळी संघटनेचे उपाध्यक्ष छगन महातो, सचिव रोहन मधुमटके, राकेश सिलेदार, योगेश सोनवाने, राहूल सिलेदार, टिनेश महानंदे उपस्थित होते. वसंतरावजी नाईक अधिकारी, कर्मचारी संघटना जिल्हा शाखेच्या वतीने जिल्हाधिकारी अमगोथू श्रीरंग नायक यांची भेट घेऊन त्यांचे पुष्पगुच्छ देऊन स्वागत करण्यात आले. यावेळी वसंतराव नाईक अधिकारी, कर्मचारी संघटनेचे जिल्हाध्यक्ष विकास चव्हाण, कार्याध्यक्ष प्राचार्य विनय चव्हाण, सहसचिव मनोज जाधव, जिल्हा संघटक, विष्णू चव्हाण, उपाध्यक्ष चरणसिंग राठोड, महिला आघाडी प्रमुख वंदना मारोद, चंदू पवार, डॉ. जाधव, किशोर पवार व बंजारा समाजातील कर्मचारी उपस्थित होते.