शेतकरी गटांनी अवजारे योजनेचा लाभ घ्यावा

सन २०२०-२०२१ या वर्षाकरिता अनुसूचित जमाती प्रवर्गातील शेतकरी गटांना धान कापणी यंत्र उपलब्ध करून देण्याची योजना आहे. त्यात शेतकरी उत्पादक कंपनी, महिला शेतकरी बचत गट, शेतकरी बचत गट, सेंद्रिय शेती बचत गट अर्ज करू शकतात. सदर बचत गटांना राईस डी हस्किंग मशीन, भात मळणी यंत्र,बहु पीक टोकण यंत्र, स्वयं रोजगार किट, हस्तचलित कडबा कट अडकिता आदी साहित्य उपलब्ध करून देण्याकरिता कोरची तालुक्याची निवड करण्यात आली आहे. तालुक्यातील नोंदणीकृत शेतकरी गटांनी, शेतकरी कंपन्यांनी, महिला शेतकरी बचत गट, सेंद्रिय शेती बचत गटांनी विहित नमुन्यातील अर्ज संपूर्ण कागदपत्रासह १७ मे २०२१ पर्यंत तालुका कृषी अधिकारी कोरची यांच्याकडे सादर करावे. या योजनेकरिता ९० टक्के अनुदान देण्याची योजना असून दहा टक्के शेतकरी गटांना लाभार्थी हिस्सा असेल अर्जाचा नमुना तालुका कृषी अधिकारी कार्यालयात उपलब्ध आहे. ही योजना केवळ अनुसूचित जमातीच्या गटाकरिता आहे. या योजनेचा लाभ जास्तीत जास्त नोंदणीकृत शेतकरी गटांनी घ्यावा, असे आवाहन समिती सदस्य-सचिव तथा तालुका कृषी अधिकारी विद्या मांडलिक यांनी केले आहे.