गरजूंना विविध साहित्यांचे वितरण

मेळाव्याला देचलीपेठा उपपाेलीस स्टेशनचे प्रभारी अधिकारी भुसारी, व्यवस्थापक व्यंकटेश दोन्तुल, पेठाच्या सरपंच शांता सिडाम, उपसरपंच नितेश मुलकरी, अंगणवाडी पर्यवेक्षिका सुनीता भगत, शकीला खान, आकांक्षा नैकुल, वैद्यकीय अधिकारी डॉ. विस्वास, डॉ. सुंदर नैताम उपस्थित होते. यावेळी बचत गटाच्या महिलांनी विविध वस्तूंची प्रदर्शनी लावली. यात प्रामुख्याने टेराकोटा, कुंभारकला वस्तू, मोहा लाडू, मिरची मसाले, वनाेपज आदींचे स्टाॅल लावण्यात आले. अंगणवाडी केंद्राने पोषण आहाराविषयी स्टाॅल लावण्यात आले. दरम्यान महिलांनी विविध गीत, नृत्य सादर केले. उपपोलीस स्टेशनतर्फे आदिवासी तसेच गरीब महिलांना साडी, ब्लॅंकेट, लहान मुलांना स्टेशनरी व इतर साहित्य वाटप करण्यात आले. तेजश्री योजनेअंतर्गत महिलांना कर्ज वितरण करण्यात आले. यशस्वीतेसाठी उपपाेलीस ठाण्यातील कर्मचाऱ्यांनी सहकार्य केले.