८२ लाभार्थ्यांना गॅसचे वितरण

संयुक्त वनव्यवस्थापन समिती व वनपरिक्षेत्र कार्यालय घोट यांच्या संयुक्त विद्यमाने खा. अशोक नेते ...

घोट : संयुक्त वनव्यवस्थापन समिती व वनपरिक्षेत्र कार्यालय घोट यांच्या संयुक्त विद्यमाने खा. अशोक नेते यांच्या प्रमुख उपस्थितीत गॅसचे वितरण करण्यात आले. सदर कार्यक्रम वसुंधरा जैवविविधता पार्कमध्ये शुक्रवारी आयोजित करण्यात आला.कार्यक्रमाच्या अध्यक्षस्थानी संयुक्त वनव्यवस्थापन समितीचे अध्यक्ष तथा जि. प. सदस्य नामदेव सोनटक्के होते. प्रमुख अतिथी म्हणून खा. अशोक नेते, पं. स. सदस्या मंदा दुधबावरे, डॉ. महेंद्र श्रृंगारपवार, श्याम वाढई, ढिवरू बारसागडे, परशुराम दुधबावरे, घोटचे वनपरिक्षेत्राधिकारी किरण पाटील, अविनाश वडेट्टीवार, हेमांत उपाध्ये, विलास गण्यारपवार, अश्विनी वडेट्टीवार आदी मान्यवर उपस्थित होते.कार्यक्रमाप्रसंगी संयुक्त वनव्यवस्थापन समितीच्या ८२ लाभार्थ्यांना मान्यवरांच्या हस्ते एलपीजी गॅस, शेगडी व इतर साहित्यांचे वितरण करण्यात आले. याप्रसंगी खा. अशोक नेते यांचा सत्कार करण्यात आला. मार्गदर्शन करताना खा. अशोक नेते म्हणाले की, एलपीजी गॅसचे वितरण हा अत्यंत स्तुत्य उपक्रम आहे. एलपीजी गॅसच्या वापरामुळे प्रदूषण कमी होण्यास मदत होईल. नागरिकांनी जंगलाचे संरक्षण करण्याससुद्धा वन विभागाला सहकार्य केले पाहिजे. वनाच्या माध्यमातून स्थानिक नागरिकांना रोजगार उपलब्ध होण्यासही मदत होईल, असे मार्गदर्शन केले. प्रास्ताविक क्षेत्रसहाय्यक ए. टी. नंदूरकर तर आभार किरण पाटील यांनी मानले. यशस्वीतेसाठी वनरक्षक धानोरकर, अंबादे, कचलामी यांनी सहकार्य केले. (वार्ताहर)