यावेळी ई-गवर्नन्स ई.आर.पी. चे डिजिटल प्रशिक्षक आशिष बोरकर, स्टॉफ गायडन्स व ट्रेनिंग सेंटरचे समन्वयक प्रा. पराग मेश्राम उपस्थित होते.
नवीन युगाच्या अकॅडमिक अपेक्षेनुसार प्रशिक्षण व प्रशासकीय कारभारात झालेले बदल, त्यानुसार शैक्षणिक कामकाजात डिजिटल पद्धतीचा, ऑनलाइन पद्धतीचा वापर आणि नोंदी कशा कराव्या यासाठी शिक्षक आणि शिक्षकेतर कर्मचाऱ्यांना नव्या पद्धतीच्या कार्यप्रणालीची आवश्यकता आहे. अशावेळी कर्मचाऱ्यांना कुशल तंत्रसहायकांकडून ई-गर्वनन्सची कार्यपद्धती समजून घ्यावे, असे प्रतिपादन प्राचार्य डाॅ. लालसिंग खालसा यांनी केले.
क्लाउड मॅनेजमेंट प्रशिक्षक आशिष बोरकर यांनी क्लाउड मॅनेजमेंटद्वारे टिचिंग, लर्निंग कृती करणे, विद्यार्थी हजेरी भरणे, नॅक माडुलरवर शिक्षकेतर कर्मचाऱ्यांनी शैक्षणिक पॅरोल, अकाउंट स्टॉक मॅनेजमेंट आदी नोंदी डिजिटल पद्धतीने कसे करावे याचे सूत्रबद्ध प्रशिक्षण दिले. याशिवाय प्राध्यापक व शिक्षकेतर कर्मचारी यांच्या प्रश्नाना समर्पक उत्तरे देत ध्वनिचित्रफितीद्वारे प्रशिक्षण दिले. प्रशिक्षण कार्यक्रमाचे संचालन व आभार प्रा. पराग मेश्राम यांनी केले. कार्यक्रमाला तंत्रसहाय्य प्रा. डॉ. सी.डी. मुंगमोडे, प्रा. सुनील चुटे, प्रा. डॉ. सतीश कोला, प्रशांत दडमल यांनी सहकार्य केले. प्रशिक्षणात महाविद्यालयातील सर्व प्राध्यापक व शिक्षकेतर कर्मचारी सहभागी झाले.