आॅनलाईन प्रवेश प्रक्रियेत अडचणी

राज्याच्या आदिवासी विकास विभागाच्या वतीने यंदा २०१५-१६ या सत्रापासून एकात्मिक आदिवासी विकास प्रकल्प

गडचिरोली : राज्याच्या आदिवासी विकास विभागाच्या वतीने यंदा २०१५-१६ या सत्रापासून एकात्मिक आदिवासी विकास प्रकल्प कार्यालयाअंतर्गत चालविल्या जाणाऱ्या सर्व वसतिगृहांकरिता विद्यार्थ्यांच्या आॅनलाईन प्रवेश प्रक्रियेचा निर्णय घेतला. त्यानुसार गडचिरोली प्रकल्पातील मुला-मुलींचे मिळून एकूण २१ वसतिगृहांसाठी इयत्ता दहावी परीक्षेच्या निकालानंतर जून महिन्यापासून आॅनलाईन अर्ज करण्याची प्रक्रिया सुरू झाली. मात्र बहुतांश विद्यार्थ्यांची वैयक्तिक व शैक्षणिक माहितीचा डाटा आदिवासी विकास विभागाच्या ई-ट्रायबल या वेबसाईडवर अपलोड होत नसल्याने या आॅनलाईन प्रवेश प्रक्रियेत प्रचंड अडचणी निर्माण झाल्या आहेत. परिणामी विद्यार्थ्यांना त्रास सहन करावा लागत आहे.आदिवासी विकास विभागाच्या एकात्मिक आदिवासी विकास प्रकल्प कार्यालय गडचिरोली अंतर्गत आदिवासी मुलींचे आठ व मुलांचे १३ असे एकूण २१ शासकीय वसतिृह आहेत. यामध्ये गडचिरोलीत मुलांचे दोन, मुलींचा एक तसेच चामोर्शी, कुरखेडा, देसाईगंज, धानोरा, आरमोरी, घोट, मोहली, कोरची, आष्टी, मालेवाडा, चातगाव आदी ठिकाणी मुलांचे वसतिगृह आहेत. तर चामोर्शी, कुरखेडा, धानोरा, आरमोरी, देसाईगंज, आष्टी व कोरची या ठिकाणी मुलींचे वसतिगृह आहेत. या २१ शासकीय वसतिगृहाची मंजूर विद्यार्थी प्रवेश क्षमता एकूण २ हजार १८५ आहे. मात्र काही वसतिगृह भाड्याच्या इमारतीत असल्याने यात कमी विद्यार्थ्यांच्या निवासाची सुविधा करण्यात येते. त्यामुळे २१ वसतिगृहाची विद्यार्थी प्रवेश क्षमता एकूण २ हजार १५५ आहे. या सर्व वसतिगृहांमध्ये दोन लाख रूपयांपेक्षा कमी उत्पन्न असलेल्या अनुसूचित जमाती प्रवर्गातील इयत्ता आठवी ते पदवी, पदव्युत्तर तसेच व्यावसायिक अभ्यासक्रमाला शिकत असलेल्या मुला-मुलींना प्रवेश दिल्या जातो. यंदा २०१५-१६ सत्रापासून वसतिगृहात प्रवेश मिळविण्यासाठी नवे विद्यार्थी तालुकाच्या ठिकाणी इंटरनेटची सुविधा असलेल्या कम्प्युटर इन्स्टिट्यूटमध्ये जाऊन आॅनलाईन अर्ज भरत आहेत. याशिवाय शहरातील वसतिगृहांमध्ये एक कम्प्युटर इंटरनेट सुविधेसह ठेवण्यात आले आहे. आॅनलाईन प्रवेश अर्जात संबंधित विद्यार्थ्यांचा आधारकार्ड क्रमांक, विद्यार्थ्यांची संपूर्ण शैक्षणिक माहिती, आर्थिक उत्पन्न तसेच भारत सरकार अथवा सुवर्ण जयंती शिष्यवृत्ती योजनेच्या लाभाबाबतचे पासवर्ड व आयडी नोंदविणे आवश्यक आहे. मात्र इयत्ता अकरावी व इतर वर्गांच्या विद्यार्थ्यांची शिष्यवृत्तीबाबतची माहिती ईट्रायबल वेबसाईडवर अपलोड होत नसल्याने या आॅनलाईन प्रवेश प्रक्रियेत अडचणी निर्माण झाल्या आहेत.आदिवासी विकास विभागाच्या निर्देशानुसार वसतिगृहाच्या प्रवेश प्रक्रियेसाठी आॅनलाईन अर्ज दाखल करण्याची अंतिम मुदत १५ जुलै २०१५ पर्यंत ठेवण्यात आली आहे. मात्र आॅनलाईन प्रक्रियेत विद्यार्थ्यांना अडचणी येत असल्यामुळे आॅनलाईन अर्ज भरण्यासाठी मुदतवाढ दिली जाणार असल्याची माहिती प्रकल्प अधिकारी कार्यालयाच्या सूत्रांकडून मिळाली आहे. (स्थानिक प्रतिनिधी)वसतिगृहनिहाय गुणवत्ता यादीनुसार प्रवेशआदिवासी विकास विभागाने यंदाच्या सत्रापासून सर्व शासकीय वसतिगृहासाठी आॅनलाईन प्रवेश प्रक्रिया सुरू केली आहे. विद्यार्थ्यांकडून आॅनलाईन प्रवेश अर्ज स्वीकारले जात आहे. गडचिरोली प्रकल्पाअंतर्गत ज्या विद्यार्थ्यांनी ज्या वसतिगृहासाठी आॅनलाईन अर्ज दाखल केले आहेत, अशा विद्यार्थ्यांची वसतिगृहस्तरावर गुणवत्ता यादी तयार करून प्रकल्प अधिकारी कार्यालयाच्या मंजुरीनंतर संबंधित वसतिगृहांच्या अधीक्षकांकडून संबंधित विद्यार्थ्यांना प्रवेश मिळणार आहे.वसतिगृहनिहाय गुणवत्ता यादीनुसार प्रवेशआदिवासी विकास विभागाने यंदाच्या सत्रापासून सर्व शासकीय वसतिगृहासाठी आॅनलाईन प्रवेश प्रक्रिया सुरू केली आहे. विद्यार्थ्यांकडून आॅनलाईन प्रवेश अर्ज स्वीकारले जात आहे. गडचिरोली प्रकल्पाअंतर्गत ज्या विद्यार्थ्यांनी ज्या वसतिगृहासाठी आॅनलाईन अर्ज दाखल केले आहेत, अशा विद्यार्थ्यांची वसतिगृहस्तरावर गुणवत्ता यादी तयार करून प्रकल्प अधिकारी कार्यालयाच्या मंजुरीनंतर संबंधित वसतिगृहांच्या अधीक्षकांकडून संबंधित विद्यार्थ्यांना प्रवेश मिळणार आहे. इयत्ता आठवी ते दहावीच्या ४२१ विद्यार्थ्यांचे आॅफलाईन प्रवेशएकात्मिक आदिवासी विकास प्रकल्प कार्यालय गडचिरोलीअंतर्गत आदिवासी मुला-मुलींच्या २१ शासकीय वसतिगृहात इयत्ता आठवी ते दहावीतील प्रवेश घेणाऱ्या इच्छुक विद्यार्थ्यांना आॅनलाईन प्रवेशप्रक्रियेपासून सूट देण्यात आली आहे. इयत्ता आठवी ते दहावीतील एकूण ४२१ विद्यार्थ्यांचे वसतिगृहात आॅफलाईन प्रवेश झाले आहे. यामध्ये जवळपास ५० विद्यार्थी मागील वर्षीचे प्रवेशीत विद्यार्थी आहेत.