शालिनी कुमरे यांचा काँग्रेसतर्फे सत्कार

गडचिराेली : आराेग्य सेवेत उल्लेखनीय काम केल्याबद्दल येथील शालिनी कुमरे (निंबार्ते) यांची फ्लाॅरेन्स नाईटिंगल राष्ट्रपती पुरस्कारासाठी निवड झाली आहे. त्याबद्दल काँग्रेसच्या वतीने मंगळवारी शालिनी कुमरे यांचा त्यांच्या निवासस्थानी सत्कार करण्यात आला. काेराेना संक्रमण काळापासूनच शालिनी कुमरे यांनी उत्कृष्ट आराेग्य सेवा दिली. आताही त्या आपले कर्तव्य प्रामाणिकपणे पार पाडत आहेत. त्यांच्या कार्याची दखल घेऊन फ्लाॅरेन्स नाईटिंगल राष्ट्रपती पुरस्कार त्यांना जाहीर झाला आहे. ही बाब जिल्हावासीयांसाठी अभिमानास्पद आहे, असे उद्गार काँग्रेसचे जिल्हाध्यक्ष माजी आ. डाॅ. नामदेव उसेंडी यांनी काढले. त्यानंतर त्यांचा शाल, श्रीफळ देऊन सत्कार केला. याप्रसंगी काँग्रेस राेजगार सेलचे जिल्हाध्यक्ष काशीनाथ भडके, डाॅ. हर्षाली निंबार्ते, डाॅ. गाैरव निंबार्ते, डाॅ. अतुल गाठीबांधे, मुरली निंबार्ते, केतन येलमुले उपस्थित हाेते.