गावापासून दोन किमी अंतरावरील नान्ही फाटा बसस्थानकाकडे महामंडळ प्रशासनासह ग्रामपंचायत प्रशासनाचेसुद्धा दुर्लक्ष होत असल्याने येथे सर्वत्र केरकचरा साचला आहे. बसस्थानकसुद्धा मोडकळीस आलेले आहे. त्यामुळे प्रवासी येथे आश्रय घेण्यापेक्षा रोडवरच उन्ह व पावसात वाहनाची प्रतीक्षा करतात. सदर बाब येथे नियमित माॅर्निंग वाॅकला येणाऱ्या युवक मंडळींच्या लक्षात येताच त्यांनी स्वच्छता अभियान राबविले.
श्रमदानातून येथे उगवलेले गवत, कचरा झाडू व पावड्याचा साहाय्याने स्वच्छ करीत परिसराला चकाकी आणली. त्यांचा या सामाजिक उपक्रमाचे सर्वत्र काैतुक हाेत आहे. हा उपक्रम निखिल मडावी, अमीन पठाण, अभिषेक वैरागडे, निखिल लेधे, प्रवीण खुणे, अमित हिळामी, डॉ जयवंत खुणे, गौरव डोमळे यांनी राबविला.
250921\img-20210923-wa0080.jpg
नान्ही फाटा स्वच्छता मोहीम राबविताना यूवक मंडळी