गडचिरोली : गडचिरोली-चिमूर लोकसभा मतदार संघात समाविष्ट असलेल्या चिमूर व ब्रह्मपुरी विधानसभा मतदार संघात भाजप व महायुतीचे आघाडीचे उमेदवार अशोक महादेव नेते यांना प्रचंड आघाडी मिळाली. ब्रह्मपुरी विधानसभा मतदार संघात अशोक नेते यांना ८६ हजार ३५0, काँग्रेस आघाडीचे डॉ. नामदेवराव उसेंडी यांना ५६ हजार १८३, भाकपाचे उमेदवार प्रा. नामदेव कन्नाके यांना २ हजार ७३२, बसपाचे रामराव नन्नावरे यांना १३ हजार ७३६, आम आदमी पार्टीचे रमेशकुमार गजबे यांना १२ हजार ३१३, बहुजन मुक्ती पार्टीचे दिवाकर पेंदाम यांना ५६२, आंबेडकर राईट पार्टीचे देवराव नन्नावरे यांना ६९५, रिपब्लिकन पार्टी ऑफ इंडियाचे अँड. प्रभाकर दडमल यांना ५१0, समाजवादी पार्टीचे विनोद नन्नावरे यांना ४५५, तृणमूल काँग्रेसचे सतीश पेंदाम यांना ६७१, अपक्ष बाबुराव दांडेकर यांना ६१७ मते मिळाली. ब्रह्मपुरी विधानसभा क्षेत्रात २ हजार ५६१ मतदारांनी नोटाचा वापर केला. चिमूर विधानसभा मतदार संघात अशोक नेते यांना ८0 हजार ३0९, डॉ. नामदेव उसेंडी यांना ५५ हजार २५७, नामदेव कन्नाके यांना २,८५२, रामराव नन्नावरे यांना १५ हजार ९0९, रमेशकुमार गजबे यांना २४ हजार २८५, दिवाकर पेंदाम यांना ६२६, देवराव नन्नावरे यांना ९८७, अँड. प्रभाकर दडमल यांना ४७७, विनोद नन्नावरे यांना ७४७, सतीश पेंदाम यांना ९0२, बाबुराव दांडेकर यांना ६७७ मते मिळाली आहे. या मतदार संघात २ हजार ४५१ मतदारांनी नोटाचा वापर केला. ब्रह्मपुरी विधानसभा मतदार संघात भाजप उमेदवार अशोक नेते यांना ३0 हजार १६७, चिमूर मतदार संघात २५ हजार ५२ मतांची आघाडी मिळाली आहे. गोंदिया जिल्ह्याच्या आमगाव विधानसभा मतदार संघात भाजपचे अशोक नेते यांना २६ हजार ६२ मतांची आघाडी मिळाली आहे. आमगावमध्ये नेते यांना ८५ हजार ९१३, डॉ. उसेंडी यांना ५९ हजार ८५१ मते मिळालेले आहेत. या मतदार संघात बसपाचे रामराव नन्नावरे यांना ७,१७६, आम आदमी पार्टीचे डॉ. रमेश गजबे यांना १ हजार ७६९ मते मिळालेले आहेत. या मतदार संघात ३ हजार ९६ मतदारांनी नोटा मतदानाचा वापरही केला आहे. (जिल्हा प्रतिनिधी)
चिमूर, ब्रह्मपुरी, आमगावची भाजपलाच साथ
By admin | Updated: May 17, 2014 00:14 IST