गडचिराेली : आपल्या दैनंदिन गरजेसाठी वीज ग्राहकांनी वापरलेल्या प्रत्येक वीज युनिटचे बिल भरणे अनिवार्य असताना वीज बिल चुकविण्यासाठी काही ग्राहक विद्युत मीटरमध्ये फेरफार करून वीज वितरण कंपनीची फसवणूक करतात; परंतु ही वीज चाेरी उघडकीस आल्यानंतर संबंधित ग्राहकांच्या घरात कायमचा अंधार हाेऊ शकताे. एवढेच नाही तर तडजाेडी व दंडाची रक्कम अदा न केल्यास फाैजदारी कारवाईला सामाेरे जावे लागते. गडचिराेली जिल्ह्यात घरगुती, वाणिज्यिक, औद्याेगिक व कृषी ग्राहकांना वीज पुरवठा केला जाताे. वीज वापराच्या माेजमापासाठी ग्राहकांच्या घरात मीटर बसविले जाते. मीटर रीडिंगनुसार वीज बिलाची आकारणी केली जाते.
बाॅक्स .....
मीटर जप्ती व दंड
वीज चाेरी करणे कायद्याने गुन्हा आहे. एखाद्या ग्राहकाकडे वीज चाेरी पकडली गेल्यास त्याने चुकविलेल्या वीज बिलाची रक्कम, दंड तसेच तडजाेडीची रक्कम भरण्याचा पर्याय देण्यात येताे. हा दंड न भरल्यास कायमस्वरूपी वीज पुरवठा खंडित करण्याची कारवाई वीज वितरण कंपनीच्या वतीने केली जाते.
विजेच्या मीटरमध्ये छेडछाड करून विजेची चाेरी केली जाते. मीटरमध्ये एक्स-रे पट्टी टाकून मीटर थांबविणे, रेजिस्टंट टाकणे, मीटर बायपास करणे आदी प्रकार हाेतात.
बाॅक्स .....
कधीही हाेऊ शकते मीटरची तपासणी
विद्युत चाेरीला आळा घालण्यासाठी महावितरणची पथके सदैव दक्ष असतात. एखाद्या ठिकाणी वीज चाेरी हाेत असल्याची शंका आल्यास किंवा काेणी गुप्त माहिती दिल्यास अथवा तक्रार केल्यास ही पथके व्यक्ती, उद्याेग किंवा व्यावसायिक प्रतिष्ठानांवर धाड टाकून विद्युत मीटरची तपासणी करतात.
बाॅक्स ....
वीज मीटरमध्ये फेरफार करणाऱ्याविरुद्ध कारवाई
१७६
काेट ......
महावितरणच्या चंद्रपूर व गडचिराेली मंडळातर्फे वीज चाेरीविरुद्ध विविध माेहिमा राबविण्यात आल्या. एप्रिल २०१७ ते ३० जून २०१८ या कालावधीत एकूण १ हजार ९४७ वीज चाेऱ्या पकडण्यात आल्या. गडचिराेली विभागात आकडे टाकून वीज चाेरीची १७६ प्रकरणे उघडकीस आली.
- आनंद कुमरे, जनसंपर्क अधिकारी, महावितरण.