अहेरी : अहेरीसह गडचिरोली जिल्ह्यात गोरगरीबांसाठी शिक्षणाचे दालन खुले करणारे दानशूर नेते श्रीमंत राजे विश्वेश्वरराव महाराज यांची ८९ वी जयंती १ जून रोजी साजरी करण्यात आली. स्थानिक आदर्श दुर्गा उत्सव मंडळ, आॅल इंडिया आदिवासी एम्प्लाईज फेडरेशन यांच्या संयुक्त विद्यमाने विश्वेश्वरराव महाराज चौकात त्यांना आदरांजली वाहण्यात आली. यावेळी आदिवासी एम्प्लाईज फेडरेशनचे विभागीय अध्यक्ष बबलु सडमेक यांनी विश्वेश्वरराव महाराजाच्या पूर्णाकृती पुतळ्याला पुष्पहार घालून अभिवादन केले. यावेळी तालुकाध्यक्ष महेश मडावी, सेवानिवृत्त वनाधिकारी बुधाजी आत्राम, दुर्गा उत्सव मंडळाचे पदाधिकारी अनंत आलाम, शकुंतला तलांडे, गौरव सडमेक, हरीश आलाम, सुनीता सडमेक आदींसह कार्यकर्ते मोठ्या संख्येने उपस्थित होते. यावेळी मान्यवरांनी विश्वेश्वरराव महाराजाच्या दातृत्व व कार्याचा गौरवपूर्ण उल्लेख केला. (शहर प्रतिनिधी)
विश्वेश्वरराव महाराजांची जयंती साजरी
By admin | Updated: June 4, 2015 01:38 IST