जात प्रमाणपत्र व जमिनीचे पट्टे द्या

बंगाली समाजाचे अनेक वर्षांपासून जात प्रमाणपत्र, जमिनीचे वर्ग १ यासह विविध समस्या प्रलंबित असून त्या .....

चामोर्शी : बंगाली समाजाचे अनेक वर्षांपासून जात प्रमाणपत्र, जमिनीचे वर्ग १ यासह विविध समस्या प्रलंबित असून त्या सोडविण्यासाठी आपण कटिबद्ध असल्याचे प्रतिपादन आ. डॉ. देवराव होळी यांनी केले. चामोर्शी येथील भारतीय जनता पार्टी आमदार जनसंपर्क कार्यालयात बंगाली आघाडीच्या चामोर्शी तालुका व मुलचेरा तालुक्यातील बुथ प्रमुख व पदाधिकाऱ्यांची बैठक आयोजित करण्यात आली होती. यावेळी अध्यक्षस्थानावरून आ. डॉ. होळी बोलत होते. बैठकीला रवी बोमनवार, माजी कृषी उत्पन्न बाजार समिती सभापती जतीन मंडल, बंगाली आघाडीचे जिल्हाध्यक्ष परिमल सरकार, वसंतपूर ग्रा.पं.चे सरपंच तपन सरकार, नेताजीनगरचे सरपंच रॉय, विक्रमपूरचे उपसरपंच अयज मंडल, सुभाष सरकार, आकोलीबाई विश्वास, डॉ. उत्तम दास, डॉ. कमल मल्लीक, खराती, बिधान बेपारी उपस्थित होते. बैठकीत मुलचेरा व चामोर्शी तालुक्यातील बंगाली समाजाच्या पदाधिकाऱ्यांनी समाजाच्या विविध समस्या आ. डॉ. होळी यांच्या निदर्शनास आणून दिल्या व त्या सोडविण्याची मागणी केली. बैठकीला रवींद्रपूर, ठाकूरनगर, बहाद्दरपूर, राममोहनपूर, पलाशपूर, वसंतपूर, विकासपल्ली, नरेंद्रपूर, सुभाषग्राम, विक्रमपूर, मुलचेरा तालुक्यातील विजय नगर, कालीनगर, हरीनगर, सुंदरनगर येथील बंगाली बांधव उपस्थित होते. (शहर प्रतिनिधी)