गडचिराेली : दि बुद्धिस्ट सोसायटी आफ इंडिया जिल्हा शाखेची बैठक गडचिरोली येथील संविधान सभागृहात पार पडली. या सभेत नवीन जिल्हा कार्यकारिणी गठित करण्यात आली.
अध्यक्षस्थानी जिल्हा प्रभारी अभियंता नरेश मेश्राम हाेते. प्रमुख अतिथी म्हणून त्रिरत्न समता संघाचे विजय बन्सोड, सोशल एज्युकेशनल मूव्हमेंटचे अशाेक गडकरी, धम्मानंद मेश्राम व धम्मराव तानादू उपस्थित हाेते. त्रिशरण-पंचशील ग्रहण करून सभेची सुरुवात करण्यात आली. प्रास्ताविकानंतर २०२१ च्या भारताच्या जनगणनेत बौद्ध म्हणून नोंद करणे़, या विषयावर विजय बन्सोड यांनी सविस्तर मार्गदर्शन केले. त्यानंतर जिल्हा कार्यकारिणी गठित करण्यात आली. जिल्हाध्यक्षपदी अभियंता नरेश मेश्राम, उपाध्यक्ष ॲड. सोनाली मेश्राम, सिध्दार्थ साखरे, मुख्य सचिव धम्मराव तानादू, मुख्य संघटक हंसराज लांडगे, कोषाध्यक्ष विभा उमरे, प्रवक्ता म्हणून विजय बन्सोड, प्रसिद्धिप्रमुख दीपक बोलीवार तर सदस्य म्हणून सोपानदेव मशाखेत्री, प्रा. विनोद चहारे व प्रा. सुरेंद्र तावाडे यांची निवड करण्यात आली. गडचिरोली, अहेरी व देसाईगंज उपविभागीय कार्यकारिणी व संपूर्ण तालुकाध्यक्षांची निवड लवकरच करण्याचे ठरविण्यात आले. तथापि, सभेत कोरची तालुकाध्यक्षपदी आनंद मेश्राम, देसाईगंज तालुकाध्यक्षपदी नागोराव उके तर धानोरा अध्यक्षपदी खुशाल ढवळे यांची निवड करण्यात आली. जिल्हा कार्यकारिणीत स्वीकृत सदस्य म्हणून भीमराव शेंडे, संगीता रामटेके, हेमंत मेश्राम, दर्शना शेंडे, यशोधरा नंदेश्वर, लता शेंद्रे, मिलिंद खोब्रागडे, सुरेश लोणारे व दर्शना मेश्राम यांना कायम करण्यात आले. सभेचे संचालन धम्मराव तानादू, प्रास्ताविक अशाेक गडकरी तर आभार धम्मानंद मेश्राम यांनी मानले.
बाॅक्स
२८ ला धम्मदीक्षा साेहळा
गडचिराेली तालुक्यातील मुरमाडी येथे २८ जानेवारीला धम्मदीक्षा सोहळा आयाेजित करण्यात आला आहे. या साेहळ्याला नागरिकांनी माेठ्या संख्येने उपस्थित राहावे, असे आवाहन याप्रसंगी करण्यात आले.