आमगाव ग्रा. पं. वर सर्वधर्मसमभाव पॅनलचा ताबा
देसाईगंज तालुक्यातील आमगाव ग्रामपंचायतीवर सर्वधर्मसमभाव पॅनलने ताबा मिळविला असून सरपंचपदी रत्नमाला सुरेश गेडाम तर उपसरपंचपदी प्रभाकर मुरारी चाैधरी यांची वर्णी लागली आहे. सरपंचपदासाठी रत्नमाला गेडाम व सुरेखा ढाेरे यांनी नामांकन दाखल केले हाेते. परंतु रत्नमाला गेडाम यांना सहा तर सुरेखा ढाेरे यांना चार सदस्यांची मते मिळाली. त्यामुळे रत्नमाला गेडाम विजयी ठरल्या. उपसरपंच पदासाठी प्रभाकर चाैधरी व वर्षा कांबळी यांनी नामांकन दाखल केले. यात चाैधरी यांना सहा तर कांबळी यांना चार मते मिळाली. त्यामुळे चाैधरी हे विजयी झाले. सत्तेवर येणाऱ्या गटाला राजेश्वर काेल्हे, श्रीराम भाेयर, श्रीधर पाटील, रुपलता बाेदेले आदी ग्रा. पं. सदस्यांचे समर्थन लाभले. तर विराेधी गटाला याेगेश नागताेडे, लता सिद्धमवार यांनी मतदान केले. निवडणूक प्रक्रियेप्रसंगी नंदू ठाकरे, संपत कावळे, माधव चंडीकार, केवळराम घाेरमाेडे, अरूण कुथे, हर्षवर्धन कुथे, आनंदराव वाढई, सुरेश नखाते, केशर नंदेश्वर, देवराव पाटील उपस्थित हाेते.
नवरगावात सरपंच व उपसरपंच अविरोध
गडचिरोली तालुक्यातील नवरगाव ग्रामपंचायतीची सरपंच व उपसरपंच पदाची निवडणूक १५ फेब्रुवारी रोजी पार पडली. यात सरपंच व उपसरपंच पदाची अविरोध निवड करण्यात आली. ७ सदस्यीय ग्रामपंचायतमध्ये सरपंचपदी सुनीता दादाजी दशमुखे व उपसरपंचपदी आशा भास्कर भोयर यांची वर्णी लागली. ग्राम विकास आघाडी समर्पित नवनियुक्त सदस्य कृष्णा जांभूळकर, उमाकांत चुदरी, राजेंद्र थोरात, कविता भैसारे यांनी त्यांना सहकार्य केले. पंचायत समितीचे उपसभापती विलास दशमुखे यांच्या नेतृत्वात सरपंच व उपसरपंच ही दोन्ही पदे अविरोध आणण्यात यश आले. निवडीबद्दल उपसभापती विलास दशमुखे, केशवराव दशमुखे, गणपत चुदरी, फागोजी भोयर, धनुर्धन भैसारे, रेवनाथ चुदरी, दादाजी दशमुखे, जयदेव सेलोटे, संजय उंदीरवाडे, पत्रूजी धाकडे, भास्कर भोयर आदींनी आनंद व्यक्त केला.