आॅटो चालकाच्या मुलाचीही परीक्षेत भरारी

गडचिरोली येथील जिल्हा परिषद हायस्कूल तथा कनिष्ठ महाविद्यालयाचा विद्यार्थी शुभम वसंत बाकमवार रा. कुनघाडा (माल) याने एमएचटी-सीईटी परीक्षेत १८१ गुण घेऊन यश मिळविले आहे. शुभमचे वडील वसंत बाकमवार हे आॅटोचालक असून आष्टी-कुनघाडा मार्गावर प्रवाशांची वाहतूक करतात. अत्यंत गरीबीच्या परिस्थितीत शुभम बाकमवार याने हे यश मिळविले आहे. एमएचटी-सीईटी परीक्षेत शुभमने जिल्ह्यात दुसरा क्रमांक पटकाविला आहे.