आषाढी एकादशी : ओंकारम, सुप्रभातम व नगर संकीर्तनासह काढली दिंडीअहेरी : आषाढी एकादशी निमित्त शहरातील अनेक भागात सोमवारी पहाटेपासून विविध कार्यक्रम घेऊन भाविकांचा विठ्ठल नामाचा गजर अहेरीनगरीत सर्वत्र निनादला. शहरात सकाळी पहाटेपासून ओंकारम, सुप्रभातम व नगर संकीर्तन करण्यात आले. तसेच शहरातून काढलेल्या दिंडीमुळे अहेरी नगरी दुमदुमली.दिंडी व कलशयात्रेमुळे विठ्ठल नामाचा गजर संपूर्ण अहेरी नगरीत निनादला. सायंकाळच्या सुमारास शहरातील सर्व सार्वजनिक भोजन मंडळाच्या वतीने भोजन कार्यक्रम घेण्यात आला. यावेळी विठ्ठल नामाच्या भावभक्तीचे विविध भजन वारकरी व भाविकांनी सादर केले. कार्यक्रमाच्या यशस्वीतेसाठी विठ्ठल-रखुमाई विवाह सोहळा समिती, श्री सत्यसाई सेवा समिती, मद्दीवार शाळेचे विद्यार्थी, शिक्षक, भजन मंडळ व वारकऱ्यांनी सहकार्य केले. (प्रतिनिधी)
अहेरीत विठू नामाचा गजर
By लोकमत न्यूज नेटवर्क | Updated: July 28, 2015 02:36 IST