Latest Television News | Television Marathi News | Latest Television News in Marathi | टेलीविजन: ताज्या मराठी बातम्या

मराठी अभिनेत्री आरती सोळंकी तब्बल ५० किलो वजन घटवल्यामुळे चर्चेत आली होती. अनेक मालिका आणि कॉमेडी शोमध्ये अभिनयाचा ठसा उमटवत आरतीने मराठी कलाविश्वात स्वत:चं स्थान निर्माण केलं. अभिनेत्रींची झिरो फिगरच असली पाहिजे, हा विचार मोडित काढणाऱ्या अभिनेत्रींपैकी आरती सोळंकी एक आहे. पण, कलाविश्वात अभिनेत्री म्हणून स्थान निर्माण करणं आरतीसाठी सोपं नव्हतं. नुकत्याच दिलेल्या एका मुलाखतीत आरतीने याचा खुलासा केला आहे. आरतीला एका चॅनेलमधून काढून टाकलं होतं. "ते चॅनेल आणि त्यातील माणसंही माझ्यावर खूश होती. पण, कलाकार खूश नव्हते. त्या चॅनेलच्या प्रत्येक कार्यक्रमाला मला बोलवलं जायचं. मला ओळख त्या चॅनेलमुळे मिळाली. म्हणून मला त्या चॅनेलचं नाव घ्यायचं नाही. कारण, त्या चॅनेलने मला मुद्दाम बॅन केलं नव्हतं. काही लोकांमुळे गैरसमज निर्माण झाल्यामुळे चॅनेलने तसं केलं. या गोष्टी नंतर मला समजल्या. चॅनेलने बॅन केल्यामुळे मी नैराश्यात गेले होते. त्यामुळे तेव्हा मी त्यांना काही विचारलं नाही किंवा सांगायलाही गेले नाही. आजपर्यंत या गोष्टी क्लिअर झालेल्या नाहीत," असं आरती 'इट्स मज्जा'ला दिलेल्या मुलाखतीत म्हणाली. पुढे ती म्हणाली, "त्या सेटवर माझा खूप अपमान व्हायचा. सगळ्या कलाकारांमध्ये मी वयाने, अनुभवाने आणि परिस्थितीनेही लहान होते. त्यामुळे मी सेटवर फक्त माझ्या रुममध्ये असायचे. कोणाशी फारसा बोलायचा वगैरेही मी प्रयत्न करायचे नाही. हे सगळ्यांना खूप आवडायचं. पण, पहिल्यापासूनच तिथे माझा खूप अपमान व्हायचा. नंतर अशा गोष्टी घडल्या, ज्या मला सहन झाल्या नाहीत. मी सुरुवातीला परफ्युम वापरत नव्हते. पण, नंतर मी सेटवर घामाचा वास येऊ नये, म्हणून वापरायला लागले. तेव्हा मग कोणीतरी म्हणायचं रस्त्यावर ३० रुपयांनाही परफ्युम मिळतं. जेवायला बसल्यानंतरही मला बोललं जायचं. काही लोकांना जेवायला मिळत नाही, तर ठेवावं लागतं, असंदेखील म्हटलं जायचं." "तेव्हा माझ्याकडे पैसे नसल्यामुळे दोन जीन्स आणि तीन-चार सदरे होते. तर आमच्या सेटवरचे इस्त्रीवाले काका माझे कपडे थोडे चांगले वाटावे, म्हणून इस्त्री करायचे. इतर कलाकारांचे ते करायचे नाहीत. कारण, त्यांचे कपडे चांगले असायचे. ते काका माझे कपडे इस्त्री करायचे म्हणून त्यांचाबरोबर माझे संबंध जोडले होते. एका अभिनेत्रीने म्हटलं होतं की काही नाही रे दिलं की कोणीही करतं. यामुळे मला धक्का बसला होता. पण, मला सेटवर काय त्रास होतोय हे चॅनेल वाल्यांना माहीत नव्हतं," असंही आरतीने सांगितलं.

रणवीर सिंगचा 'धुरंधर २'

बिग बॉस मराठी ६

रितेश देशमुखचा 'राजा शिवाजी'

'रामायण' चित्रपट

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

टेलीविजन :हेमांगी कवीने जाहीरपणे मागितली माफी; नेमकं काय आहे प्रकरण?

Hemangi kavi: स्पष्टवक्तेपणामुळे ओळखल्या जाणाऱ्या हेमांगीने यावेळी चक्क माफी मागितली आहे. ...

टेलीविजन :'बिग बॉस 17'मध्ये पार पडलं एलिमिनेशन; 'या' स्पर्धकाचा प्रवास थांबला

'बिग बॉस 17' हा कार्यक्रम स्पर्धकांमुळे तसेच त्यांच्यातील वादामुळे चर्चेत आहे. ...

टेलीविजन :'साथ निभाना साथिया' फेम अभिनेत्री अपर्णा काणेकर यांचं निधन, ८३ व्या वर्षी घेतला अखेरचा श्वास

त्यांनी मालिकेत प्रेमळ 'बा' ची भूमिका साकारली होती. ...

टेलीविजन :हा कसला फॅमिली शो? 'त्या' व्हायरल व्हिडिओनंतर नेटकऱ्यांची बिग बॉसवर टीका, सलमानलाही केलं लक्ष्य

दरम्यान या व्हिडिओनंतर सलमानसह बिग बॉसवर टीकेची झोड उठली आहे. ...

टेलीविजन :प्रसिद्ध टीव्ही अभिनेत्रीने केलं प्रेग्नंसी फोटोशूट, इंडोवेस्टर्न लुकमध्ये दिसतेय खूपच सुंदर

देवीपेक्षा कमी नाही रुबिनाचा लुक ...

टेलीविजन :"जिंदगी मै कुछ लोग चप्पल की तरह...", हरभजन सिंगचा 'तो' व्हिडिओ गौरव मोरेने केला शेअर, म्हणाला, "सर..."

'महाराष्ट्राची हास्यजत्रा' फेम गौरव मोरेने शेअर केला क्रिकेटर हरभजन सिंगचा व्हिडिओ, म्हणाला... ...

टेलीविजन :"प्रत्येक कलाकाराच्या आयुष्यात ही फेज येत असणार...", प्राजक्ता माळीची 'ती' पोस्ट चर्चेत

Prajakta Mali : प्राजक्ता माळीने नुकतेच सोशल मीडियावर शेअर केलेल्या पोस्टने सर्वांचं लक्ष वेधून घेतले आहे. ...

टेलीविजन :"शुन्यातनं विश्व निर्मान करनारी कष्टाळू मान्सं पाहीली की...", किरण मानेंची पोस्ट चर्चेत

टेलीविजन :"सेटवरील काकांबरोबर माझे संबंध जोडले", आरती सोळंकीचा खुलासा, म्हणाली, "चॅनेलने मला बॅन केलं आणि..."

आरतीला एका चॅनेलमधून काढून टाकलं होतं. नुकत्याच दिलेल्या एका मुलाखतीत आरतीने याचा खुलासा केला आहे. ...