प्राईज मनी ५० लाख पण टॅक्स कट होऊन गौरव खन्नाला मिळणार फक्त 'इतके' रुपये

Gaurav Khanna Win BB 19: गौरव खन्ना ५० लाख रुपये विजयी रक्कम जरी जिंकला असला तरीही टॅक्स कट होऊन त्याच्या हातात इतकीच रक्कम पडणार आहे

गौरव खन्नाने 'बिग बॉस १९'चं विजेतेपद पटकावलं. गौरव खन्नाला यावेळी सलमान खानच्या हस्ते चमचमती ट्रॉफी मिळाली. याशिवाय ५० लाख रुपये प्राईज मनी मिळाले.

गौरव खन्नाला ५० लाख रुपये इतकी मोठी विजयी रक्कम मिळाली असली तरी ही सर्व रक्कम गौरवला घरी घेऊन जाता येणार नाही. या रकमेवर मोठा टॅक्स आकारला जाणार आहे.

भारतातील आयकर कायद्यानुसार, कोणत्याही शोमधून किंवा स्पर्धेतून जिंकलेल्या बक्षीस रकमेवर ३० टक्के दराने कर भरावा लागतो. त्यामुळे गौरवच्या प्राईज मनीवरही टॅक्स भरावा लागणार आहे.

गौरव खन्नाने जिंकलेल्या ५० लाख रुपयांवर ३० टक्के कर लागू होतो. याचा अर्थ ५० लाखांपैकी जवळपास १५ लाख रुपये गौरवला कर म्हणून भरावे लागतील.

गौरव खन्नाच्या विजयी रकमेतून टॅक्स कट झाल्यानंतर, त्याच्या हातात सुमारे ३४.४ लाख इतकी रक्कम मिळेल. एखादा स्पर्धक जेव्हा जिंकतो तेव्हा आयोजकांकडून ही रक्कम टॅक्सच्या माध्यमात सुरुवातीलाच कापली जाते.

अशाप्रकारे ५० लाख विजयी रक्कम मिळालेल्या गौरवलेला सुमारे साडे ३४ लाख इतकी रक्कम हातात मिळेल. बिग बॉस १६ मधील रनर अप शिव ठाकरेने याविषयी पहिल्यांदा खुलासा केला होता.

गौरव खन्नाने त्याचा शांत स्वभाव आणि हुशारीच्या जोरावर 'बिग बॉस १९'चं विजेतेपद पटकावलं. गौरव जिंकताच चाहत्यांनी त्याचं अभिनंदन करुन कौतुक केलं.