Mr. & Mrs. Kulkarni! असा होता विराजस व शिवानीच्या रिसेप्शनचा थाट, पाहा फोटो

By ऑनलाइन लोकमत | Published: May 10, 2022 12:19 PM2022-05-10T12:19:22+5:302022-05-10T13:45:06+5:30

Virajas Kulkarni & Shivani Rangole Reception Party : विराजस व शिवानीच्या रिसेप्शनचे हे फोटो तुम्ही पाहिले नसतील...! पाहा, पॉवर कपलच्या रिसेप्शनचे नवे फोटो

अक्षय तृतीयेच्या मुहूर्तावर म्हणजेच गेल्या 3 मे रोजी विराजस कुलकर्णी व शिवानी रांगोळे यांनी लग्नाच्या आणाभाका घेतल्या होत्या. लग्न शाही होतं आणि रिसेप्शनही तितकंच शाही होतं. (Pics : @weddingkraft)

नुकतंच विराजस व शिवानीचं लग्नाचं रिसेप्शन पार पडला. या लग्नाच्या रिसेप्शनचे नवे फोटो समोर आले आहेत. या फोटोंमध्ये दिसतेय ते फक्त आणि फक्त विराजस व शिवानी.

मोठ्या थाटामाटात दोघांचं रिसेप्शन पार पडलं. या रिसेप्शनचा थाट बघण्यासारखा होता. विराजस व शिवानी स्टेजवर आले तेव्हा सगळ्यांच्या नजरा या पॉवर कपलवर खिळल्या होत्या.

शिवानीने रिसेप्शनमध्ये गुलाबी कलरचा हेवी वर्क असलेला लेहेंगा घातला होता. तर विराजसने तिच्या याच आऊटफिटशी मॅचिंग शेरवानी घातली होती. शिवानीचा लेहेंगा वजनानं चांगलाच जड होता. पण म्हणून उत्साह कमी नव्हता.

दोघांचीही झक्कास एन्ट्री झाली आणि मग हे रिसेप्शनमध्ये हे कपल भाव खाऊन गेलं. कधी एकमेकांत हरवलं तर कधी आनंदाने बेभान झालं.विराजस व शिवानीच्या रिसेप्शनमध्ये अनेक दिग्गजांनी हजेरी लावली.

विराजस व शिवानी दीर्घकाळापासून रिलेशनशिपमध्ये होतं. आपलं नातं त्यांनी कधीच जगापासून लपवून ठेवलं नाही. एका नाटकाच्या सेटवर या लव्हस्टोरीची सुरूवात झाली होती.

‘डावीकडून चौथी बिल्डिंग’ या विराजसच्या नाटकात शिवानीनं अभिनय केला होता. तेव्हाच त्यांची ओळख झाली. पुढे दोघांमध्ये चांगली मैत्री झाली आणि या मैत्रीचं रूपांतर प्रेमात झालं.

विराजसनं ‘होस्टेल डेज’ या चित्रपटातून चित्रपटसृष्टीत पदार्पण केलं होतं. विराजस फक्त अभिनेता नाही तर तो एक दिग्दर्शकही आहे.‘अनाथेमा’ या नाटकात त्यांनं अभिनयाबरोबर दिग्दर्शनाचीही जबाबदारी पेलली होती.

रमा माधव चित्रपटासाठी मृणाल कुलकर्णी यांच्यासोबत सहाय्यक दिग्दर्शक म्हणून काम केलं होत. याशिवाय मिकी, डावीकडून चौथी बिल्डिंग, भंवर यासारख्या काही नाटकांचं लेखन आणि दिग्दर्शनही त्याने केलं आहे.

शिवानीबद्दल सांगायचं तर ‘बनमस्का’मालिकेमुळे शिवानी रांगोळे हे नाव घराघरांत पोहोचलं. त्यानंतर तिने अनेक मालिकांमध्ये काम केलं. सांग तू आहेस ना,डॉक्टर बाबासाहेब आंबेडकर महामानवाची गौरव गाथा या मालिकांमध्ये ती झळकली.