- मोहिनी घारपुरे- देशमुखबायकांच्या मेकअप किटमध्ये कितीही रंगांच्या लिपस्टिक्स खच्चून भरलेल्या असतील तरीही त्यापैकी एक विशिष्ट रंगाची लिपस्टिकच त्या नेहमी वापरतात असं बारकाईनं पाहिलं तर लक्षात येईल. हीच लिपस्टिक किंवा तोच रंग त्यांचा सिग्नेचर कलर वा लिपस्टिक म्हणून ओळखला जाऊ शकतो. या रंगांच्या निवडीमध्ये व्यक्तिमत्त्वाची अनेक गुपितं दडलेली असतात.
लालचुटूक लिपस्टिक
तुमचा आवडीचा रंग जर लाल असेल आणि विशेष म्हणजे तुम्ही प्रेफरेबली लाल लिपस्टिकच वापरत असाल तर याचा अर्थ तुम्हाला सत्ता आणि स्त्रीत्व दोन्हीही प्यारं आहे असा होतो. भरपूर आत्मविश्वास,भावनिकता आणि मादकता असं सारं काही तुम्ही या रंगाच्या लिपस्टिक वापरून प्रतीत करता.ब्राऊन आणि न्यूड कलर्सच्या लिपस्टिक्स
तुम्ही एक फॅशनेबल स्त्री असून तुमच्याशी प्रत्येकानं आदरानं वागावं असं वाटतं. या रंगांच्या लिपस्टिक्स हेच प्रतीत करतात. त्याचबरोबर तुमचे कपडेही फॅशनेबल तरीही ज्यात तुम्हाला कम्फर्टेबल वाटेल असेच असतात. व्यक्ती म्हणून तुम्ही काहीशा इतरांवर अवलंबून असणार्या आणि खूप काळजी घेणार्या असतात.गडद गुलाबी
तुम्ही अत्यंत बोलक्या, मनमोकळ्या स्वभावाच्या असता. जर लोक तुमच्याकडे दुर्लक्ष करतात असं तुमच्या लक्षात आलं तर तुम्ही त्यांचं लक्ष वेधण्यासाठी प्रयत्न करता. तुम्हाला मजा करायला आवडते तसंच अगदी फ्लर्टींग करणंही तुम्ही एन्जॉय करता. बोल्ड आणि ट्रेण्डी असलेल्या तुम्ही नेहमी काहीतरी अ‍ॅडव्हेंचरस करायला तयार असता.
जांभळी, हिरवी किंवा काळी लिपस्टिक
तुम्हाला चारचौघींसारखं दिसायला अजिबात आवडत नाही. किंबहुना जन्मत:च चारचौघींपेक्षा तुम्ही वेगळ्या असता. अत्यंत कल्पक असलेल्या तुम्ही तुमच्या लिपस्टिकच्या रंगांच्या निवडीवरून वेगळेपण दाखवता. तुमची सौंदर्यदृष्टी आणि सौंदर्याच्या कल्पना या भन्नाट असतात, कल्पनातीत असतात. किंबहुना तुम्ही सौंदर्याबाबत वेगळ्यापद्धतीनं विचार करू शकता.केशरी आणि कोरल्स
अत्यंत उमद्या स्वभावाच्या तुम्हाला कोणत्याही नकारात्मक भावना अजिबात आवडत नाहीत. तुम्हाला नेहमी मनापासून खूश, आनंदी राहायला आवडतं. तुम्हाला भरपूर भटकायला आवडतं. विशेषत: समुद्रकिनारी फिरायला आवडतं. आणि तुम्ही आयुष्यावर भरभरून प्रेम करता.
लालभडक आणि वाईन कलर्स
अत्यंत मादकता हेच तुमचं व्यक्तिमत्व विशेष असल्याचं ही लिपस्टिक सांगते. नजाकत, शुद्धता, सौंदर्य या सगळ्याचं समीकरण असलेलं तुमचं व्यक्तिमत्व तुमच्या आयुष्यात अनेक चढउतार आल्याचंही सांगतं.