- मोहिनी घारपुरे देशमुख
गाऊन आणि नाइट ड्रेस तसं म्हटलं तर या दोन्हीही प्रकारांमध्ये नवं असं काहीच नाही. किंबहुना त्यांची फॅशन आपल्यासाठी काही फार नवखी नाही. पण असं असलं तरीही नाईट वेअरमध्ये जे नवनवीन फॅब्रिक येत असतात आणि काही ढोबळ चेंजेस होतात त्याचीच अनेकींना आवड असते त्यामुळेच हे लहानसहान बदलही नाइटवेअरमध्ये नवा फॅशन ट्रेण्ड सेट करतात. फॅशन फॉलोअर्ससाठी मग गाउन आणि नाइट ड्रेसही अपवाद कसे असतील? यातलाही फॅशन ट्रेण्ड माहिती असायलाच हवा.
फ्लोरल प्रिंट्स नाईटवेअरमध्ये फुलाफुलांच्या आकर्षक रंगसंगतींची नेहेमीच चलती असते. फ्लोरल बॉर्डर , वेलबुट्टी, गडद किंवा हलक्या रंगातील फ्लोरल प्रिंट नेहेमीच पसंतीस उतरते. सूती आणि सॅटिन या दोन प्रकारच्या फॅब्रिकनी नाइटवेअरच्या संपूर्ण रेंजवर म्हटलं तर अक्षरश: जादू केली आहे. सूती आणि सॅटीनच्याच नाईटवेअरची अगदी आॅल सीझन चलती असते. त्या खालोखाल होजिअरीच्या कपड्यांना पसंती दिली जाते. गाऊन आणि नाइट ड्रेसमध्ये रंगसंगती, वेगवेगळ्या प्रिंट्स आणि फॅब्रिक यामुळेच वेगळेपण आणि आकर्षक लुक कॅरी करता येतो. साधारणत: किशोरवयीन मुली नाईट ड्रेसला आणि मध्यमवयीन किंवा त्याहून अधिक वयाच्या स्त्रिया गाऊन घालण्यास प्राधान्य देतात. गाऊन आणि नाइटवेअरचा फॅशन ट्रेण्ड फॉलो करणारच असाल तर तो कसा करायला हवा हे पण जरा माहिती हवं.
थोडं हे लक्षात असू द्या
1. स्वच्छ धुतलेला नाइटवेअरच वापरा
2. गाऊनच्या आतून परकर / पेटीकोट घालण्याची फॅशन कधीच मागे पडली आहे. त्याऐवजी जरा जाड कपड्याचा किंवा गडद रंगाचा गाऊन कम्फर्टेबली वापरा. अगदीच आॅड वाटत असेल तर गाऊनच्या आतून स्कर्ट स्लिप घाला पण परकर नकोत. ते अगदीच शॅबी दिसतात
3. सॅटीनचे नाईटड्रेसेस छानच दिसतात पण खूप काळजीपूर्वक हाताळावे लागतात. रफ टफ यूझसाठी सूती कपडेच बरे