इंटरनेटला सांभाळा

इंटरनेट अथवा वेबसाइट्सवरती होणाऱ्या पारंपरिक हल्ल्यांना छेद देत या वेळी एक वेगळाच हल्ला अमेरिकेन इंटरनेट क्षेत्राला अनुभवायला मिळाला. ‘डिस्ट्रीब्यूटर डिनायल आॅफ

-प्रसाद ताम्हनकर नवा सायबर हल्ला :- इंटरनेट अथवा वेबसाइट्सवरती होणाऱ्या पारंपरिक हल्ल्यांना छेद देत या वेळी एक वेगळाच हल्ला अमेरिकेन इंटरनेट क्षेत्राला अनुभवायला मिळाला. ‘डिस्ट्रीब्यूटर डिनायल आॅफ सर्विस’ अर्थात डीडीओएस पद्धतीनेच हा हल्ला केला गेला असला, तरी याआधी या डीडीओएसच्या मदतीने एखाद्या विशिष्ट वेबसाइटलाच लक्ष्य करून तिच्यावरती हल्ला केला जात असे. मात्र ह्या वेळी विविध वेबसाइट्सना सेवा पुरवणाऱ्या डाइन या सेवा पुरवठा करणाऱ्या मुख्य कंपनीलाच हल्ल्याचे लक्ष्य बनवले गेले आहे. या प्रमुख सर्व्हरवरतीच हल्ला झाल्याने टिष्ट्वटर, रेडिट, साउंडक्लाऊड यांसारख्या अनेक मातब्बर वेबसाइट्स पाहणे ग्राहकांना काही तासांसाठी कठीण होऊन बनले. पेपालसारख्या पेमेंट गेटवेला तर याचा चांगलाच फटका बसला असून, त्याचे अनेक ग्राहक विविध सेवादात्यांची बिले आॅनलाइन भरू शकले नाहीत. एकाच दिवशी लागोपाठ दोनदा हे हल्ले झाल्याने स्थिती अधिकच नाजूक बनल्याचे बोलले जात आहे. अमेरिकेचा होमलँड सुरक्षा विभाग आणि गुप्तचर यंत्रणा एफबीआय या संपूर्ण प्रकरणाची चौकशी करत आहेत. या अनोख्या हल्ल्यानंतर आता जगभरातील सर्वच इंटरनेट सुरक्षा यंत्रणा सावध झाल्या असून, असे हल्ले यापुढे मोठ्या प्रमाणावरती केले जाण्याची शक्यता नाकारता येत नसल्याचे तज्ज्ञांचे मत आहे.टेस्लाचे सौरछत :सौरऊर्जा ही आता काळाची गरज बनत चालली आहे. अनेक लोक आपापल्या घरांवरती सौरपॅनेल्स बसवून ऊर्जेची गरज भागवत आहेत. पण आता जर तुम्हाला सरळ सौरछतच उपलब्ध झाले तर? गोष्ट अद्भुत वाटते, पण टेस्ला कंपनीने ही गोष्ट सत्यात उतरवली आहे. टेस्ला ही खरेतर इलेक्ट्रॉनिक वाहनांची उत्पादन कंपनी. मात्र नुकतीच टेस्लाने ‘सोलर सिटी’ ही कंपनी टेकओव्हर केली; आणि या अद्भुत योजनेच्या बांधणीला सुरुवात झाली. हे सौरछत म्हणजे, सरळ सरळ सौरपॅनल्स बसवलेली कौले किंवा टाइल्स असणार आहेत. विविध रंगांत ही कौले उपलब्ध होणार असून, त्यांच्याद्वारे मिळणाऱ्या ऊर्जेतून घरातील विजेची मागणी सहजतेने पूर्ण होऊ शकणार आहे. ही कौले काचेची बनवलेली असणार आहेत. या यंत्रणेची किंमत अजून जाहीर करण्यात आलेली नसली, तरी पारंपरिकपणे बनवलेली छते आणि त्यावर बसवले जाणारे सौरपॅनेल यांच्या एकूण खर्चापेक्षा ती कमीच असणार आहे. याबरोबरच कंपनीतर्फे बॅटरी पॉवरवॉल-२देखील सादर करण्यात आली आहे. या सौरछतापासून निर्माण झालेली अतिरिक्त ऊर्जा ह्या बॅटरीद्वारे साठवली जाणार आहे. या बॅटरीची किंमत ५५०० डॉलर्स असणार आहे.गूगल प्ले स्टोअरमध्ये बदल :जगातील जवळजवळ ८०% स्मार्टफोन्स हे अँड्रॉइड प्रणालीवरती चालतात. सध्या गूगल प्ले स्टोअरवरती तब्बल २० लाख विविध प्रकारचे अ‍ॅप्स डाऊनलोडसाठी उपलब्ध आहेत. आता ग्राहकांची व्हॉईस सर्च वापरण्याची वाढती व्याप्ती बघता, गूगलने या अ‍ॅप स्टोअरमध्ये काही मोठे बदल करण्याचे ठरवले आहे. सर्वांत आधी सर्च बारची जागा बदलून त्याला प्ले स्टोअरऐवजी स्क्रीनच्या वेगळ्या भागात दाखवले जाणार आहे. गूगल प्ले स्टोअरचे बॅनरदेखील नव्या स्वरूपात दिसणार आहे. मूव्हीज, गाणी, पुस्तके ह्यांचे सेक्शन्सदेखील आता नव्या आधुनिक रूपात सादर केले जाणार आहेत. या सर्वांना एकत्र करून एंटरटेन्मेंट सेक्शनच्या आत समाविष्ट केले जाणार आहे. गूगल पहिल्यांदाच आपल्या प्ले स्टोअरमध्ये एकाच वेळी एवढे सारे बदल करत असून, सध्या ह्या सर्वच बदलांची टेस्टिंग सुरू करण्यात आलेली आहे. ह्यातील काही बदल हे काही ग्राहकांच्या प्ले स्टोअरमध्ये दिसायलादेखील सुरुवात झालेली आहे. अर्थात हे ग्राहक ह्या बदलांना कसा प्रतिसाद देतात, यावरदेखील हे बदल कायमस्वरूपी टिकतील का नाही हे गूगलतर्फे ठरवले जाण्याची शक्यता नाकारता येत नाही.