नव्या तंत्रज्ञानाचा आविष्कार

आता तर रोजच नवनव्या तंत्रज्ञानांची भर पडत आहे. त्याचा उपयोग दैनंदिन वापरासाठी मोठ्या प्रमाणावर होत आहे. त्याचा हा आढावा.

- प्रसाद ताम्हनकरआता तर रोजच नवनव्या तंत्रज्ञानांची भर पडत आहे. त्याचा उपयोग दैनंदिन वापरासाठी मोठ्या प्रमाणावर होत आहे. त्याचा हा आढावा.भारतीय भाषांचा शब्दकोश आॅनलाइनविविध भाषांनी नटलेल्या भारत देशात तसे भाषेकडे फारसे कधी गांभीर्याने पाहिले जात नाही. सरकार दरबारी अनेक भाषांविषयी अनास्थाच दाखवली जाते. विविध भाषांचे संवर्धन, जतन अत्यंत जरुरीचे असल्याचे मानले जात आहे. अशातच एक आनंदाची बातमी म्हणजे, केंद्र सरकारने आपल्या 'डिजिटल इंडिया' या उपक्रमांतर्गत 'भारतवाणी' अर्थात भारतीय भाषांचा आॅनलाइन शब्दकोश सादर करून एक सुखद धक्का दिला आहे. भारतवाणीच्या वेबसाइट तसेच अ‍ॅपचे नुकतेच उद्घाटन करण्यात आले. सध्या भारतवाणीवर एकूण २२ भाषांचा शब्दकोश लोकांसाठी उपलब्ध करून देण्यात आला आहे. त्या जोडीलाच इथे अनुवादाची सुविधाही उपलब्ध आहे. ज्ञानकोश, शब्दकोश, भाषाकोश, माहिती तंत्रज्ञान कोश, बहुमाध्यम कोश अशा गटांत या शब्दकोशाची विभागणी करण्यात आलेली आहे. ज्ञानकोशात सगळ्याच भाषांमधील ज्ञानकोशांचा संग्रह, बहुमाध्यम कोशात मल्टिमीडिया आणि विविध माध्यमांमध्ये कोश देण्यात येतील, शब्दकोशात विविध भाषांमधील विविध शब्दकोशांचा संग्रह, माहिती तंत्रज्ञान कोशात TDIL च्या माध्यमातून भाषांसाठी विकसित करण्यात आलेल्या विविध सॉफ्टवेअर्सची लिंकसह माहिती, पाठ्यपुस्तक कोशात विविध भाषांमधील पाठ्यपुस्तकांचा संग्रह, भाषा कोशात विविध भाषा शिकण्याची साधने आणि उदाहरणे असणार आहेत.BMW, जग्वारची स्वारी अवघ्या २० रुपयांतबीएमडब्ल्यू, जग्वार यासारख्या आलिशान गाड्यांची क्रेझ सर्वसामान्यांपासून ते बड्या आसामींपर्यंत सगळ्यांनाच असते. एकदा का होईना या गाडीत बसण्याची इच्छा अनेक लोक बाळगून असतातच. अशाच लोकांसाठी ओला कंपनीने खास योजना आखली आहे. मोबाइल अ‍ॅपद्वारे टॅक्सी भाड्याने देणाऱ्या या कंपनीने 'ओला लक्स' अर्थात ओला लक्झरी ही आपली नवी योजना सादर केली आहे. याद्वारे आपल्या जुन्या टॅक्सीजबरोबरच ओलाने बीएमडब्ल्यू, जग्वार, टाटा फॉर्च्युनर, मर्सिडिज, होंडा अशा आलिशान कंपनीच्या गाड्या टॅक्सी म्हणून उपलब्ध केल्या आहेत. इतर गाड्यांपेक्षा थोडी महाग, म्हणजेच २० रुपये प्रति किमी असे याचे भाडे असणार असून, कमीत कमी ५ किमी प्रवास करावा लागणार आहे. अर्थात कमीत कमी २०० रुपयांपासून पुढे याचे भाडे असणार आहे. सध्या दक्षिण मुंबईपुरतीच सुरू केलेली ही योजना लवकरच इतरही अनेक शहरांत सुरू होते आहे.व्हॉट्सअ‍ॅपवर फिंगरप्रिंट स्कॅनर'सुरक्षा' हा शब्द आता इंटरनेटवर अत्यंत महत्त्वाचा ठरत आहे. सुरक्षा मग ती तुमच्या संगणकाची असो, डेटाची असो अथवा बँक खात्यांची, ती अतिशय महत्त्वाची आहे. आजकाल विविध मेसेंजरद्वारे महत्त्वाच्या व्यवहारांच्या चर्चा होतात, खासगी माहिती शेअर केली जाते. अशा वेळी हे चॅट आणि मेसेंजर सुरक्षित राहणे गरजेचे आहे. आपल्या मेसेंजरला 'एंड टू एंड डिस्क्रीप्शन' ही महत्त्वाची सुरक्षा प्रदान केल्यानंतर व्हॉट्सअ‍ॅप आता फिंगरप्रिंट स्कॅनरची सुविधा घेऊन येत असल्याची चर्चा जोरात सुरू आहे. या स्कॅनरने व्हॉट्सअ‍ॅप मेसेंजर उघडणे वा लॉक करणे सहज शक्य असणार आहे. अनेक स्मार्टफोन्सच्या सुरक्षेसाठी हीच व्यवस्था दिली जात असताना, व्हॉट्सअ‍ॅपनेदेखील अशी सुरक्षा देण्याची मागणी यूजर्सकडून मोठ्या प्रमाणावर होत होती. येत्या काही दिवसांतच ही सुविधा कार्यरत होण्याची चिन्हे आहेत.क्लाउड बेस्ड फोननेक्स्टबीट रॉबीन हा पहिला क्लाऊड बेस्ड फोन दाखल झाला आहे. अनेक स्मार्ट आणि महागडे फोन मेमरी आणि स्पेसच्या बाबतीत कायमच रोषाला पात्र ठरत असतात. अशा वेळी थेट क्लाउड स्टोरेजची सुविधा देणाऱ्या या फोनची चर्चा आहे. या जोडीलाच फोनमध्ये दिलेले स्मार्ट सॉफ्टवेअर तुम्हाला क्लाउडची १०० जीबी स्पेस वापरायची सुविधा देते. एकदा का तुमच्या फोनमध्ये ३२ जीबी जागा भरली गेली की आपोआप हे सॉफ्टवेअर तुमच्या कंटेंटचे बॅक अप घेण्यास सुरुवात करते. ही कल्पना साधारण गूगल क्लाऊडसारखीच आहे. या फोनमधील इंटर्नल ३२ जीबी मेमरीपैकी २४ जीबी चक्क यूजरसाठी राखून ठेवण्यात आली आहे.