माजी उपनगराध्यक्ष विलास खोपडे यांचा मृतदेह सापडला

आत्महत्या केली की काही दुर्घटना घडली याचा शोध

धुळे : महापालिकेच्या स्थायी समितीचे माजी सभापती, माजी उपनगराध्यक्ष विलास खोपडे यांचा मृतदेह अक्कलपाड्यातील धरणात रविवारी सापडला़रविवारी सायंकाळी ५ वाजेच्या सुमारास अक्कलपाडा धरणात एक जण असल्याची माहिती साक्री पोलिसांना मिळाली़ त्यानुसार तातडीने पोलिसांनी घटनास्थळ गाठून शोध सुरु केल्यानंतर सायंकाळी साडेपाच वाजेच्या सुमारास मृतदेहाची ओळख पटली असून त्यांचे नाव विलास खोपडे असल्याची माहिती साक्री पोलीस निरीक्षक नितीन देशमुख यांनी दिली़ त्यांनी आत्महत्या केली की काही दुर्घटना घडली याचा शोध पोलीस घेत आहेत़ अकस्मात मृत्यूची नोंद साक्री पोलिसात करण्यात आली,