क्षुल्लक कारण, एकावर तलवारीने वार

माधवपुरा येथील घटना : सहा जणांविरुध्द गुन्हा दाखल

लोकमत न्यूज नेटवर्कधुळे : क्षुल्लक कारणावरुन एकास तलवारीसह लोखंडी रॉडने मारहाण झाल्याची घटना शहरातील माधवपुरा भागात मंगळवारी सकाळी घडली़ याप्रकरणी सहा जणांविरुध्द रात्री सव्वा अकरा वाजेच्या सुमारास आझादनगर पोलीस स्टेशनला फिर्याद नोंदविण्यात आली़ भाऊबंदकीसोबत न राहता इतर लोकांसोबत राहतो़ तसेच नातेवाईकास शिवीगाळ केल्याचा जाब विचारला अशा जुन्या कारणावरुन सिध्दार्थ रविंद्र राणा (२९, रा़ गल्ली नंबर ५/६ ची बोळ, माधवपुरा, धुळे) याला जीवे ठार मारण्याच्या उद्देशाने तलवार, लोखंडी रॉडने मारहाण करण्यात आली़ यात त्याच्या डोक्याला आणि शरीरातील अन्य अवयवाला जबर दुखापत झाली़ ही घटना मंगळवार २७ रोजी सकाळी घडली़ घटनेनंतर त्याला तातडीने वैद्यकीय उपचारासाठी रुग्णालयात दाखल करण्यात आले़ याप्रकरणी आझादनगर पोलीस स्टेशनला जखमी सिध्दार्थ राणा याने मंगळवारी रात्री सव्वा अकरा वाजेच्या सुमारास फिर्याद नोंदविली़ त्यानुसार, मोंटी संजय राणा, प्रशांत संजय राणा, संजय उत्तम राणा, मुसु (प्रशांत) चा मित्र (पूर्ण नाव माहित नाही), रोहिणी संजय राणा, पुजा संजय राणा (सर्व रा़ गल्ली नंबर ५/६ची बोळ, माधवपुरा, धुळे) या सर्व संशयितांविरोधात भादंवि कलम ३०७, १४३, १४७, १४८, १४९, ११४, ३२३, ५०४, ५०६ सह आर्म अ‍ॅक्ट ४/२५ सह ३७ (१) (३)  चे उल्लंघन १३५ प्रमाणे गुन्हा नोंदविण्यात आला आहे़ पोलीस उपनिरीक्षक एच़ एऩ उगले घटनेचा तपास करीत आहेत़