धुळ्यानजिक उभ्या कंटेनरला टँकरची धडक, १ जागीच ठार, दुसऱ्याचाही मृत्यू झाल्याची शक्यता

धुळे : मुंबई आग्रा महामार्गावर नगाव शिवारात रस्त्याच्या बाजुला कंटेनरच्या पंक्चरचे काम गुरुवारी पहाटे साडेतीन ते चार वाजेच्या सुमारास सुरु होते़ अशातच भरधाव वेगाने येणाºया दुधाच्या टँकरने उभ्या कंटेनरला पाठीमागून धडक दिली़ या अपघातात एकाचा जागीच मृत्यू झाला़ दोन जणं गंभीररित्या भाजले गेले आहेत़ घटना लक्षात येताच जखमींना तातडीने हिरे वैद्यकीय महाविद्यालयात दाखल करण्यात आले़ उपचार घेताना दुसºयाचा मृत्यू झाल्याचे ऐकिवात असल्याची माहिती पश्चिम देवपूर पोलीस निरीक्षक सतिष गोराडे यांनी दिली़ घटनास्थळी पोलीस दाखल झाले असून महामार्गावरील वाहतूक सुरळीत करण्याचे काम मार्गी लावले जात आहे़ दरम्यान मृत झालेल्या दोघांचीही नावे समजू शकलेली नाही़ पोलिसात अपघाताची नोंद घेण्यात आली असून तपास सुरु आहे़