१ हजार २३७ जागांसाठी २ हजार ३५५ अर्ज प्राप्त

आरटीई प्रवेश : प्रवेशासाठी पालकांची उत्सुकता

धुळे : बालकांच्या मोफत सक्तीच्या शिक्षण हक्क कायद्यानुसार (आरटीई) आर्थिक दृट्या दुर्बल घटकातील विद्यार्थ्यांसाठी २५ टक्के जागा राखीव ठेवण्याची तरतुद आहे. २०१९-२० या शैक्षणिक वर्षासाठी २३५५ आॅनलाईन अर्ज प्राप्त झाले. यासाठी पहिली सोडत पुण्यात निघाली. मात्र पहिल्या सोडतीत किती विद्यार्थ्यांची लॉटरी लागली ते समजू शकलेले नाही. मोफत प्रवेशाबद्दल पालकांमध्ये उत्सुकता वाढीस लागली आहे.