मंदाणे,दि.14- शहादा तालुक्यातील लंगडी गावातील एका माथेफिरू तरूणाने वेडाच्या भरात शेजारी असलेल्या गोठय़ात झोपलेल्या 60 वर्षीय इसमाच्या डोक्यात लाकडी दांडक्याने गंभीर दुखापत करून जागीच ठार केल्याची घटना उघडकीस आली. घटना घडताच पोलिसांनी घटनास्थळी धाव घेवून पळ काढणा:या आरोपीस चांदसैली गावाजवळ शिताफीने ताब्यात घेण्यात यश मिळविले.
लंगडी या 100 टक्के आदिवासी लोकवस्तीच्या दुर्गम भागातील शेतकरी जसा खेदा पावरा (60) हे रात्री आपल्या घराजवळील ढोरगोठय़ात खाटेवर झोपलेले असताना गुरूवारी 13 एप्रिल रोजी सकाळी पाच वाजेच्या सुमारास शेजारीच राहणा:या पायनाब आपसिंग पावरा (45) याने वेडाच्या भरात येवून जसा पावरा यांच्या डोक्यात लाकडी दांडक्याने जोरदार प्रहार केला. डोक्याला गंभीर दुखापत झाल्याने जसा पावरा यांचा जागीच मृत्यू झाला. घटना घडताच आरोपीने पळ काढला. त्या वेळी प्रांतविधीसाठी जाणा:यांच्या तत्काळ लक्षात येताच ग्रामस्थांनी घटनास्थळी धाव घेतली. त्या वेळी जसा पावरा हे रक्ताच्या थारोळ्यात मयतावस्थेत आढळून आल्याने गाव व परिसरात एकच खळबळ उडाली.
(वार्ताहर)